مادەنيەت جانە سپورت مينيسترلىگىنىڭ Onlinedabol جوباسى اياسىندا «مەملەكەتتىك ءتىلدى جەتىلدىرۋ» تاقىرىبىندا ونلاين كۋرستار جالعاسۋدا. بۇل تۋرالى اتالعان مينيسترلىكتىڭ ءباسپاسوز قىزمەتى حابارلادى.
كۋرستى قازاقستان رەسپۋبليكاسى مادەنيەت جانە سپورت مينيسترلىگى ءتىل ساياساتى كوميتەتىنىڭ تاپسىرىسىمەن «شايسۇلتان شاياحمەتوۆ اتىنداعى ء«تىل-قازىنا» ۇلتتىق عىلىمي-پراكتيكالىق ورتالىعى» ۇيىمداستىرىپ وتىر.
تىلدىك كۋرستار وڭىرلىك تىلدەردى دامىتۋ باسقارمالارىنىڭ باسشىلارى, ءتىل ورتالىقتارىنىڭ ديرەكتورلارى, ادىسكەرلەر, وقىتۋشىلار, ماگيسترانتتار مەن دوكتورانتتارعا ارنالعان. ونلاين كۋرستار 17 ساۋىرگە دەيىن جالعاسادى.
ءتورتىنشى كۇنگى كۋرستى مادەنيەت جانە سپورت مينيسترلىگى ءتىل ساياساتى كوميتەتىنىڭ ءتىل ساياساتى باسقارماسىنىڭ باسشىسى امانگەلدى قوجابەك جانە لاتىن گرافيكاسىنا كوشۋدى سۇيەمەلدەۋ باسقارماسىنىڭ باسشىسى گۇلفاريزا مۇقانوۆا وتكىزدى.
ونلاين كۋرستا سپيكەرلەر مەملەكەتتىك ءتىل ساياساتىن ىسكە اسىرۋدىڭ 2020-2025 جىلدارعا ارنالعان مەملەكەتتىك باعدارلاماسىنىڭ ماقساتتارى مەن مىندەتتەرى, ولاردى ىسكە اسىرۋ تەتىكتەرى; نەگىزگى نىسانالى ينديكاتورلار مەن ولاردىڭ تۇسىندىرمەلەرى, ينديكاتورلاردىڭ ناتيجەلى كورسەتكىشتەرىنىڭ تالداماسى; ورتالىق جانە جەرگىلىكتى اتقارۋشى مەملەكەتتىك ورگانداردىڭ باعدارلاما مىندەتتەرىن ورىنداۋداعى ۇلەستەرى; لاتىن گرافيكاسىنا كوشۋ ۇدەرىسى, وڭىرلەردە اتقارىلاتىن شارالار مازمۇنى; الدىڭعى مەملەكەتتىك باعدارلامامەن ساباقتاستىعى, قازاق ءتىلىن جەتىلدىرۋ بويىنشا جاڭا ۇستانىمدار, جاڭا اقپاراتتىق تەحنولوگيالار جەتىستىكتەرىن قولدانۋ جولدارى; قازاق ءتىلىن وقىتۋ ۇدەرىسىندەگى نەگىزگى باعىتتار مەن جاڭا كوزقاراستار, وقىتۋ ورتالىقتارىنىڭ الەۋەتىن ارتتىرۋ جولدارى; قازاق تەرميندەرىن قالىپتاستىرۋ مەن ونوماستيكالىق اتاۋلاردى جەتىلدىرۋ باعىتتارى جانە مەملەكەتتىك باعدارلاماداعى وزگە دە ماسەلەلەر تۋرالى تىڭداۋشىلارمەن وي ءبولىستى.
ايتا كەتەيىك, كۋرس بارىسىندا تىڭداۋشىلار جاڭا مەملەكەتتىك باعدارلامانىڭ مىندەتتەرىن وڭىرلەردە ىسكە اسىرۋدا تۋىنداعان وزەكتى سۇراقتارعا جاۋاپ الدى. سونىمەن قاتار, كۇندەلىكتى تۇرمىستا, الەۋمەتتىك سالالاردا قازاق ءتىلىنىڭ قولدانىس اياسىن كەڭەيتۋ تەتىكتەرىن جەتىلدىرۋ جولدارىمەن تانىستى. وڭىرلىك ءتىل وقىتۋ ورتالىقتارىنىڭ ينفراقۇرىلىمىن, الەۋەتىن ارتتىرۋ بويىنشا كەڭەس بەرىلدى.
Facebook الەۋمەتتىك جەلىسىندەگى ONLINEda bol پاراقشاسىندا تىكەلەي ەفيردە جۇرگىزىلگەن ونلاين كۋرسقا 129 تىڭداۋشى قاتىستى.