زاڭ تالاپتارى ساقتالۋى ءتيىس

حاتتىڭ مازمۇنى قازاقستان ۇكىمەتىنىڭ 2020 جىلعى 3 ساۋىر­دەگى دەنساۋلىق ساقتاۋ مينيستر­لى­گىنىڭ ۇسىنىسى بويىنشا نۇر-سۇلتان, الماتى جانە شىمكەنت قالالارىندا جىلدام تۇرعىزىلاتىن ينفەكتسيالىق ءۇش اۋرۋحانا سالۋ تۋرالى شەشىمىنە بايلانىستى بولىپ وتىر. ناقتى ايتقاندا, الماتى قالاسىندا «BI Group» كومپانياسى كىرىسكەن جاڭا اۋرۋحانا عيماراتىنىڭ قۇرىلىسىنا قاتىستى. بىرىنشىدەن, قۇرىلىسى تەز اياقتالاتىن بۇل اۋرۋحانالاردىڭ جوبالاۋ-سمەتالىق قۇجاتتارى مەن كەلىسىمشارتتارى ءالى جاسالماعان. ەكىن­شىدەن, اتالعان اۋرۋحانا الما­تىداعى تاريحي ءمانى زور «ساق قور­عاندارى» اۋماعىندا سالىناتىنى قوعامدىق جۇرتشىلىقتى دا, سە­نات دەپۋتاتتارىن دا قاتتى الاڭ­داتاتىنى ايتىلعان.

ونىڭ ۇستىنە «ساق قورعاندارى» – الماتى قالاسى اكىمدىگىنىڭ 2010 جىلعى 10 قاراشاداعى №4/840 قاۋلىسى بويىنشا تاريحي ەسكەرت­كىشتەر تىزىمىنە ەنگىزىلگەن. سونداي-اق الەۋمەتتىك جەلىدە اۋرۋحانانىڭ  ەجەلگى تەمىر ءداۋىرىنىڭ عاجايىپ مۇ­راسى سانالاتىن اۋماقتا سالى­ناتىنى تۋرالى دابىل قاققان ماتەريالدار جاريالاندى.

كيەلى جەردە ورىن تەپكەن اۋرۋحانا قۇرىلىسىنا بايلانىس­تى تاريح عىلىمدارىنىڭ كانديداتى نۇرلان اتىعاەۆ ءوز ويىن ءبىلدىردى. «اۋرۋحاناعا جەر تەلىمىن ءبولۋ­دىڭ الدىندا جەر قاتىناس­تارى باسقارماسى ول تۇستا ارحەو­لو­گيا­لىق نىسانداردىڭ بار-جوعىن انىق­تاپ, ءتيىستى اقپارات بەرۋى كەرەك بولاتىن. سودان كەيىن بارىپ عيما­رات قۇرىلىسىن مادەنيەت باسقار­ماسى­مەن كەلىسىپ بارىپ باستاۋ قاجەت ەدى», دەدى ول.

وسىعان وراي, سەنات دەپۋتاتتارى قازاقستان رەسپۋبليكاسىنىڭ ۇكىمەت باسشىسى مەن الماتى قالاسىنىڭ اكىمىنەن الماتى قالاسىنداعى جە­دەل تۇرعىزىلاتىن اۋرۋحانا قۇرى­لىسىنىڭ زاڭ تالاپتارىنا سايكەس جۇرگىزىلۋى كەرەكتىگىن سۇرايدى.

سەناتورلار سونىمەن قاتار ارحەولوگيا ينستيتۋتىنىڭ قورى­تىن­دىسىن الۋدى, قاجەت بولعان جاع­دايدا «BI Group» كومپا­نيا­­سىنىڭ تاريحي ەسكەرتكىشتەر ور­نا­­لاسقان اۋماقتا قۇرىلىس سا­ل­ۋىن توقتاتۋدى, بۇل ءۇشىن باسقا جەر تە­لىمىن, نە باسقا دا جولدارىن ىز­دەۋ كەر­ەكتىگىن ايتىپ وتىر.