قازاقستانداعى ريەلتورلار قاۋىمداستىعىنىڭ پرەزيدەنتى لاريسا ستەپانەنكو بۇگىن وتكەن ۆەبينار جيىندا ولار بۇل قادامعا كليەنتتەرىنەن ايرىلىپ قالماۋ ءۇشىن بارىپ وتىرعانىن ايتتى.
ونىڭ ايتۋىنشا, قازىرگى ۋاقىتتا كوممەرتسيالىق جىلجىمايتىن م ۇلىك نارىعىنداعى مامىلەلەر كارانتينگە بايلانىستى توقتاپ, ريەلتورلار قاشىقتان جۇمىس ىستەۋگە كوشتى.
ول كارانتين اياقتالعان سوڭ دا جالعا بەرۋ نارىعىندا ۇلكەن وزگەرىستەر بولاتىنىن ايتتى. ءبىر ايلىق كارانتين كەزىندە ىشكى نارىق ءۇشىن بۇرىن مۇلدەم بەيتانىس بولىپ كەلگەن مۇمكىندىكتەردى اشتى. توتەنشە جاعدايدان شىققاننان كەيىن كوپتەگەن كومپانيالار كەڭسە كەڭىستىگىن قايتا قاراپ, كەيبىر قىزمەتكەرلەرىن ونلاين رەجيمىنە اۋىستىرادى نەمەسە شتات سانىن قىسقارتادى. سول سياقتى وسىنداي جاعداي پاتەردى جالعا بەرۋ نارىعىندا دا قالىپتاسۋى مۇمكىن. «سوندىقتان, مەنىڭ بولجامىم بويىنشا جالداۋ باعاسى ازداپ تومەندەيدى. سەبەبى وسىعان دەيىن ەكى تاراپ تا ۇكىمەتتىڭ بۇل ماسەلەگە ارالاسۋىن سۇراعان. جالعا الۋشىلار كارانتين كەزىندە ارەندا اقشاسىن توقتاتۋدى تالاپ ەتسە, جالعا بەرۋشىلەر ۇكىمەت سۋبسيديا بەرسە عانا بۇل تالاپقا كەلىسەتىنىن ايتقان. سەبەبى بۇدان وزگە جول جوق. الداعى ۋاقىتتا ادامدار دا, كومپانيالار دا بارىنشا ۇنەمدەۋ جاعدايىندا جۇمىس ىستەيدى» دەدى ستەپانەنكو.
سونىمەن قاتار قاۋىمداستىق باسشىسى ريەلتورلار نارىعىنداعى تۋرالى دا ايتىپ ءوتتى. قازىر نارىقتا ءولى تىنىشتىق ورناعان. ءۇيدى جالعا الۋ تۋرالى ۇسىنىس توقتاپ تۇر. ەسەسىنە جالعا بەرۋشىلەر ەسەلەپ كوبەيىپ كەتىپتى.
«قازىر ءبىز ونلاين رەجيمىندە جۇمىس كليەنتتەر بازاسىن ساقتاپ, جىلجىمايتىن م ۇلىكتى ساتىپ الۋعا, ساتۋعا نەمەسە جالعا بەرۋگە دايىن ادامداردى انىقتاۋعا قاتىستى كەلىسسوزدەر جۇرگىزدى جۇرگىزۋگە دايىنداپ جاتىرمىز. ءبىزدىڭ ماماندارىمىز دا دايىندىقتان وتۋدە. الايدا قارجىلىق قيىندىقتار وتە جوعارى. بۇل وتە اۋىر سوققى. مەنىڭ ويىمشا, نارىق شامامەن 10-15% قىسقارادى», دەيدى ستەپانەنكو.
ەسكە سالا كەتەيىك, بۇعان دەيىن ءبىز الماتى جانە نۇر-سۇلتان قالالارى تۇرعىن ءۇي نارىعىندا تىنىشتىق ورناعانىن, جالعا الۋشىلار ارەندا باعاسىن تومەندەتىپ, ۇكىمەتتەن كومەك سۇراعانىن جازعانبىز.