اتىراۋ وبلىسىندا پوليتسەيلەر توتەنشە جاعداي ەنگىزىلگەننەن بەرى 375 اكىمشىلىك قۇقىق بۇزۋشىلىقتى تىركەگەن. اتىراۋ قالالىق مامانداندىرىلعان اكىمشىلىك سوتىمەن 332 ىسكە شەشىم شىققان. ال, 43 ءىس قارالۋ ۇستىندە.
– سانيتارلىق-ەپيدەميولوگيالىق شارانى بۇزعانى ءۇشىن 68 ادامعا ەسكەرتۋ بەرىلدى. سونداي-اق 115 تۇرعىنعا ايىپپۇل سالىنىپ, 149 ادام قاماۋعا الىندى. توتەنشە جاعداي تالابىن بۇزۋ دەرەگىنىڭ 50-دەن استامى اۆتوكولىك يەلەرىمەن جاسالدى. ولار كەشكى ساعات 21:00-دەن كەيىن كوشەگە سەبەپسىز شىققان. ال, بەتپەردە تاعۋ تالابىن بۇزعان 40 دەرەك تىركەلدى, - دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
جولداسبەك كوشەرباي ۇلى