رەسەي استاناسى ماسكەۋ قالاسىندا قازاقستان رەسپۋبليكاسىنىڭ ەلشىلىگى «ارگۋمەنتى ي فاكتى» فەدەرالدى باسپاسوز ورتالىعىمەن بىرلەسىپ, يادرولىق سىناقتارعا قارسى حالىقارالىق ءىس-قيمىل كۇنىنە وراي «يادرولىق سىناقتارعا تىيىم سالۋدان يادرولىق قارۋدان ازات الەمگە» تاقىرىبىندا دوڭگەلەك ۇستەل ۇيىمداستىردى.
رەسەي استاناسى ماسكەۋ قالاسىندا قازاقستان رەسپۋبليكاسىنىڭ ەلشىلىگى «ارگۋمەنتى ي فاكتى» فەدەرالدى باسپاسوز ورتالىعىمەن بىرلەسىپ, يادرولىق سىناقتارعا قارسى حالىقارالىق ءىس-قيمىل كۇنىنە وراي «يادرولىق سىناقتارعا تىيىم سالۋدان يادرولىق قارۋدان ازات الەمگە» تاقىرىبىندا دوڭگەلەك ۇستەل ۇيىمداستىردى.
ونىڭ جۇمىسىنا يادرولىق تاراتپاۋ جانە قارۋسىزدانۋ سالاسىنداعى بەلگىلى رەسەي جانە قازاقستان ساراپشىلارى, ديپلوماتيالىق ميسسيالار مەن حالىقارالىق ۇيىمداردىڭ, سونداي-اق, قازاقستاندىق جانە رەسەيلىك باق وكىلدەرى قاتىستى.
رەسەي فەدەراتسياسى مەمدۋماسىنىڭ تابيعي رەسۋرستار جانە ەكولوگيا كوميتەتى توراعاسىنىڭ ورىنباسارى, «نەۆادا-جاڭا جەر» قوزعالىسىنىڭ تەڭ ۇيىمداستىرۋشىسى ماكسيم شينگاركين ءوزىنىڭ سوزىندە, ەگەر پرەزيدەنت نۇرسۇلتان نازارباەۆ جاھاندىق دەڭگەيدە يادرولىق قارۋسىزدانۋدا وسىنداي ءسوزسىز كوشباسشىلىق تانىتپاعاندا, اتالعان سالادا مۇنداي تابىسقا قول جەتكىزۋ مۇمكىن بولماس ەدى دەگەن پىكىرىن ءبىلدىردى.
ءوز سوزىندە بەلگىلى رەسەي ساراپشىسى الەكسەي ۆلاسوۆ اتاپ وتكەندەي, قازاقستاننىڭ يادرولىق قارۋسىزدانۋ تۋرالى شەشىمى قازىرگى مەملەكەت دامۋىنىڭ سۇلباسىن ايقىنداۋدا شەشۋشى ءرول اتقاردى. ال پرەزيدەنت نۇرسۇلتان نازارباەۆتىڭ جاھاندىق يادرولىق قارۋسىزدانۋ سالاسىنداعى دايەكتى ساياساتى بۇگىندە ەكى الەمدىك پروبلەمالار – سەنىم داعدارىسى مەن قوسارلانعان ستاندارتتار قولدانۋ ۇدەرىستەرىنە بايلانىستى ەرەكشە كوكەيكەستى بولا ءتۇسىپ وتىر.
قازاقستان سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى رومان ۆاسيلەنكو قازاقستاننىڭ قارۋسىزدانۋ تاريحى مەن يادرولىق مۇرادان ارىلۋ بارىسى تۋرالى اڭگىمەلەدى. «قازاقستاننىڭ, رەسەيدىڭ جانە اقش-تىڭ بۇل باعىتتاعى كوپ جىلعى ۇشجاقتى ىنتىماقتاستىعى ناتيجەسىندە ءوزارا سەنىم رۋحىندا بىرگە ءىس-قيمىل تانىتا وتىرىپ قانا ءبىز الەمدى قاۋىپسىز ەتە الامىز», دەدى ول ءسوزىنىڭ قورىتىندىسىندا.
«اتوم» جوباسىنىڭ قۇرمەتتى ەلشىسى, قازاقستاندىق سۋرەتشى كارىپبەك كۇيىكوۆ الەم نازارىن تاعى دا ءوزى باسىنان وتكەرگەن يادرولىق سىناقتاردىڭ قاسىرەتتى سالدارىنا اۋدارۋعا شاقىردى.
«ەگەمەن-اقپارات».