بەيسەنبى: الماتىدا جازىلعانداردان جۇقتىرعاندار كوپ

قىسقاسى, جاڭادان ىندەت جۇقتىرعاندار قاتارىنا – 23 پاتسيەنت قوسىلدى. ونىڭ ىشىندە بالالار قالالىق كلينيكالىق جۇقپالى اۋرۋلار اۋرۋحاناسىنىڭ 1 مەديتسينا قىزمەتكەرى بولسا, قالعان 22 ادام ىندەت جۇقتىرعان اداممەن بايلانىستا بولعاندار.

كەشە كوروناۆيرۋستىق ينفەكتسيا راستالعان تاعى ءبىر پاتسيەنت كوز جۇمدى. بۇل  1960 جىلى تۋىلعان پاتسيەنت 8 ساۋىردەن باستاپ جۇرەك-وكپە جەتكىلىكسىزدىگى, كاحەكسياسىنا (اعزانىڭ توزۋى) بايلانىستى اۋىر حالدە ورتالىق قالالىق كلينيكالىق اۋرۋحاناسىندا ەمدەۋدە پروۆيزورلىق بولىمشەسىندە ەمدەۋدە جاتقان بولدى. الىنعان تالداۋلارى ىندەتكە وڭ ناتيجە بەردى.

كەشە Covid-19-دان ساۋىعىپ قالعان تاعى ءۇش پاتسيەنت ەمدەلىپ, ۇيلەرىنە شىقتى. ولاردىڭ بارلىعى بۇرىن انىقتالعاندار ۆيرۋستى جۇقتىرعان ادامدارمەن بايلانىستا بولعاندار, ولاردىڭ ىشىندە 2009 جىلعى بالا بار.

بۇگىنگە دەيىن الماتىدا ەمدەلىپ شىققان ادامداردىڭ سانى 61 ادام بولدى.

قازىرگى ۋاقىتتا ينفەكتسيالىق ستاتسيونارلاردا الماتى وبلىسىنان ءبىر ايەل ادامدى ەسەپكە الا وتىرىپ, Covid-19-دان 330 پاتسيەنت ەمدەلۋدە.

پروۆيزورلىق گوسپيتالداردا​ 368 ادام, ونىڭ ىشىندە​ 7​ بالا, كارانتيندىك وقشاۋلاۋدا​ –​ 426, ءۇي كارانتينىندە​ –​ 7288 ادام بار.