قازاقستاندا قازىرگە دەيىن استىقتىڭ 18,4 پايىزى جينالىپ الىندى.بۇل 2 898,8 مىڭ گا القاپتى قۇرايدى. ال بيىل جالپى 21,4 ملن. گا جەرگە استىق القابى ورنالاستى.
قازاقستاندا قازىرگە دەيىن استىقتىڭ 18,4 پايىزى جينالىپ الىندى.بۇل 2 898,8 مىڭ گا القاپتى قۇرايدى. ال بيىل جالپى 21,4 ملن. گا جەرگە استىق القابى ورنالاستى.
وڭتۇستىك قازاقستاندا V ينۆەستيتسيالىق جوبالار كورمەسى ءوتىپ, 30-عا جۋىق جۇمىس تانىستىرىلدى. شارانىڭ ءوتۋىنە مۇرىندىق بولعان وبلىس اكىمى اسقار مىرزاحمەتوۆ قازىرگى تاڭدا ايماقتا ۇدەمەلى يندۋستريالى دامۋ مەملەكەتتىك باعدارلاماسىنا قاتىسۋعا نيەت بىلدىرگەن كاسىپكەرلەر سانى 101-گە جەتكەنىن ايتتى.
وسكەمەندەگى تەاتر ماۋسىمى جازۋشى-دراماتۋرگ ورالحان بوكەيدى ەسكە تۇسىرۋدەن باستالدى. «ماۋسىمنىڭ تاپ وسى مەرەيتويدان باستالۋىنىڭ وزىندە ۇلكەن نىشان بار», دەدى كەش سوڭىندا جازۋشى شىعارماشىلىعىن زەرتتەپ جۇرگەن جەرگىلىكتى اقىن مۇرات تاستاعانوۆ.
الماتىدا «بالاۋسا» بالالار ورتالىعى اشىلدى. «بۇل جەردە تاجىريبەلى پەداگوگتار بالالاردىڭ ءوز دارىندارى مەن شىعارماشىلىق قىرلارىن اشۋعا كومەك بەرەدى», – دەدى جاستار ساياساتى ماسەلەسى بويىنشا باسقارما باسشىسى سانجار بوقاەۆ ورتالىقتىڭ اشىلۋ سالتاناتىندا.
قىزىلوردا قالاسىنا قاراستى يىركول اۋىلىنىڭ اۋىز سۋ پروبلەماسى ءوز شەشىمىن تاپتى. كەشە وسىندا بولعان قالا اكىمى نۇرلىبەك نالىباەۆ مۇنىمەن قاتار, ەلدى مەكەن تۇرعىندارىنىڭ جولعا, مەديتسينالىق قىزمەتكە جانە باستاۋىش مەكتەپكە قاتىستى ءوتىنىش-تىلەكتەرىن دە ورىنداۋدىڭ ورايىن كەلتىردى.
قاراعاندىدا اپاتقا ۇشىراعان ۇشقىش وتباسىنا استانادان پاتەر بەرىلدى. اۆياتسيا اپاتىنان قازا تاپقان پولكوۆنيك مارات ەدىگەەۆتىڭ وتباسىنا كەشە ەلورداداعى ءۇش بولمەلى پاتەردىڭ كىلتى تابىس ەتىلدى.
كاسپي تەڭىزى ايدىنىنداعى ىققان كاتاماران جاعاعا شىعارىلدى. وسى ارقىلى جەل ايداعان سۋ كولىگىندە بولعان 1991, 1994 جانە 1997 جىلدارعى ءتورت ەر بالا قۇتقارىلدى.
قوستاناي قالالىق سوتىنىڭ سۋديالارىنا قاتىستى جاڭا قىلمىستىق ىستەر قوزعالدى. اتاپ ايتقاندا, قالالىق سوت توراعاسى س. مۇحتاروۆ پەن سۋديا س.قاشقىنباەۆقا تۇرعىنداردان پارا الدى دەگەن ايىپ تاعىلىپ وتىر.
«قازاقپارات», «قازاقستان جاڭالىقتارى», Bnews.kz,
TengriNews, EgemenNews حابارلارى بويىنشا دايىندالدى.