كەشە قازاقستان رەسپۋبليكاسىنىڭ مەملەكەتتىك حاتشىسى مارات ءتاجين كولىك جانە كوممۋنيكاتسيالار ءمينيسترى اسقار جۇماعاليەۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
كەزدەسۋ بارىسىندا ا.جۇماعاليەۆ ازاماتتىق اۆياتسيا سالاسىندا ۇسىنىلاتىن قىزمەتتەردىڭ ساپاسىن ارتتىرۋ جونىندە اتقارىلىپ جاتقان جۇمىستار تۋرالى باياندادى.
مارات ءتاجين مينيسترگە اۋەجايلار مەن اۋە كومپانيالارىندا جولاۋشىلارعا قىزمەت كورسەتۋدىڭ اقپاراتتىق ستاندارتتارىن ساقتاۋ ماسەلەلەرىنە ەرەكشە نازار اۋدارۋدى تاپسىردى.