ەلىمىزدىڭ ەلۋلىككە ەنۋى ءبىزدىڭ تەك ەكونوميكادا قول جەتكىزگەن جەتىستىكتەرىمىزبەن ەكشەلىپ وتىرعان جوق, مۇنداي حالىقارالىق ۇلكەن مارتەبە قازاقستاننىڭ الەۋمەتتىك جانە قوعامدىق يگى كورسەتكىشتەرىمەن دە سارالانىپ وتىر. ماسەلەن, مەملەكەتتىڭ جۇرگىزىپ وتىرعان ىشكى-سىرتقى ساياسي ۇدەرىستەرى مەن قوعامدى ساۋاتتى باسقارا ءبىلۋ, ەلدىڭ ءبىلىم مەن عىلىمي-تەحنيكالىق الەۋەتى جانە اقپاراتتىق ينفراسترۋكتۋرانىڭ دامۋ دەڭگەيى, سونداي-اق, قوعامنىڭ قۇقىقتىق مادەنيەتى مەن جالپى ادامزاتتىق قۇندىلىقتىڭ قازاقستاندىق قوعامداعى ساليقالى جۇيەسىنە دە كوپ ءمان بەرىلۋدە.
حالىقارالىق ارەناداعى سىندارلى باعا
ەلىمىزدىڭ ەلۋلىككە ەنۋى ءبىزدىڭ تەك ەكونوميكادا قول جەتكىزگەن جەتىستىكتەرىمىزبەن ەكشەلىپ وتىرعان جوق, مۇنداي حالىقارالىق ۇلكەن مارتەبە قازاقستاننىڭ الەۋمەتتىك جانە قوعامدىق يگى كورسەتكىشتەرىمەن دە سارالانىپ وتىر. ماسەلەن, مەملەكەتتىڭ جۇرگىزىپ وتىرعان ىشكى-سىرتقى ساياسي ۇدەرىستەرى مەن قوعامدى ساۋاتتى باسقارا ءبىلۋ, ەلدىڭ ءبىلىم مەن عىلىمي-تەحنيكالىق الەۋەتى جانە اقپاراتتىق ينفراسترۋكتۋرانىڭ دامۋ دەڭگەيى, سونداي-اق, قوعامنىڭ قۇقىقتىق مادەنيەتى مەن جالپى ادامزاتتىق قۇندىلىقتىڭ قازاقستاندىق قوعامداعى ساليقالى جۇيەسىنە دە كوپ ءمان بەرىلۋدە.
قازاقستاننىڭ عالامدىق باسەكەلى كورسەتكىشتەر باعانىنان ءوز باعاسىن الۋىنا, ارينە, ەلىمىزدىڭ سوڭعى جيىرما جىل بويىنا اتقارعان تىڭعىلىقتى ەڭبەگى مەن بولاشاققا جاساعان ناقتى باعدارلامالارىنىڭ دا جەمىسى وراسان زور. الەمدىك باسەكەگە قابىلەتتى ەلدەر تىزىمىندە قازاقستاننىڭ الدىندا تۇرعان ەلدەر كىلەڭ ەكپىندى دامۋشى مەملەكەتتەر. الدا, ءبىزدى دۇنيە ءجۇزىنىڭ ەڭ دامۋشى وتىز ەلىنىڭ قاتارىنا كىرۋ مەجەسى كۇتىپ تۇر. بۇل جولدا يننوۆاتسيا مەن بيزنەستى, سونىمەن قاتار تەحنولوگيالىق ىلگەرىلەۋدى ارتتىرا ءتۇسىپ, مەملەكەتتىك ينستيتۋتتاردىڭ قىزمەتىن, ونىڭ ىشىندە زياتكەرلىك مەنشىك قۇقىعى, وكىمەتتىڭ قىزمەت ەتۋ اسەرلىلىگىن ارتتىرۋ سەكىلدى سالالاردا دا كوپ جەتىستىكتەرگە قول جەتكىزۋىمىز قاجەت.
الەمدىك باسەكەگە قابىلەتتىلىك – ەڭ اۋەلى ءوز مەملەكەتىمىزدىڭ ازاماتتارىنىڭ ساپالى ءومىر ءسۇرىپ وتىرعاندىعىنىڭ سىرت كوز بەرگەن سىندارلى باعاسى. بۇل جولدا ەلباسى نۇرسۇلتان نازارباەۆتىڭ باستاماسىمەن كوپتەگەن ىستەر اتقارىلدى, ءالى دە اتقارىلا بەرمەك.
ءلايلا مۇزاپاروۆا,
قازاقستان رەسپۋبليكاسى پرەزيدەنتى جانىنداعى
قازاقستان ستراتەگيالىق زەرتتەۋلەر ينستيتۋتى
ديرەكتورىنىڭ ءبىرىنشى ورىنباسارى.
الماتى.
________
بۇل – زاڭدىلىق!
كەزدەيسوق ەشنارسە بولمايدى. تابيعاتتا دا, قوعامدا دا بولعان وقيعانىڭ العىشارتى, زاڭدىلىعى بولادى. مىنە, قازاقستان دۇنيەجۇزىندەگى دامىعان ەلۋ ەلدىڭ قاتارىنان كورىنىپ وتىر. مەن مۇنى ءبىزدىڭ دامۋىمىزدىڭ زاڭدى ناتيجەسى, ءبىزدىڭ شىققان قۇتتى بيىگىمىز دەپ بىلەمىن.
سوڭعى جىلدارى الەمدەگى بەدەلدى حالىقارالىق ۇيىمدار مەن اۋزى دۋالى ساياساتكەرلەر ەلىمىزدىڭ جەتىستىكتەرىنە لايىقتى باعاسىن بەرە باستاعان. قازاقستاننىڭ ورتالىق ازياداعى جەتەكشى ەلگە اينالعانىن دا سىرت كوز ءبىرىنشى ايتقان ەدى. تاجىكستان, وزبەكستان, قىرعىزستان مەملەكەتتەرىنە قاراعاندا ءبىزدىڭ رەسپۋبليكاداعى ەكونوميكالىق جانە الەۋمەتتىك دامۋ قارقىنى وق بويى الدا كەلە جاتقانى ايداي الەمگە انىق. بۇل وزىمىزگە دە بەلگىلى. حالىقتىڭ الەۋمەتتىك تۇرمىس جاعدايى كوتەرىلگەن. جىلدان جىلعا جۇمىسسىزدار قاتارى ازايىپ كەلەدى, ءبىزدىڭ وتانداستارىمىز كۇنكورىس ءۇشىن ءۇيىن تاستاپ, وزگە ەلگە جۇمىس ىزدەپ تەنتىرەپ كەتپەيدى. گاستاربايتەر دەگەن تۇسىنىك قازاقستاندىقتار ءۇشىن جات ۇعىم. سوناۋ 90-شى جىلداردىڭ اياعىنان باستاپ بىزدەگى جالپى ىشكى ءونىم جىل سايىن 5-7 پايىزعا ءوسىپ وتىردى. وسى قارقىن كەرى كەتكەن جوق, العا دامىپ كەلەدى.
دامۋدىڭ تاعى ءبىر جانە نەگىزگى كورسەتكىشى الەۋمەتتىك سالانىڭ رەفورمالانۋى دەر ەدىم. مىسالى, دەنساۋلىق ساقتاۋ, ءبىلىم بەرۋ جانە زەينەتاقى جۇيەسىن رەفورمالاۋ جونىنەن قازاقستان بۇرىنعى كەڭەس وداعى قۇرامىندا بولعان ەلدەردىڭ, ونىڭ ىشىندە رەسەيدى قوسقاندا, بارلىعىنان وزىپ كەتتى. سوڭعى جىلدارى ۇدەمەلى يندۋستريالىق-يننوۆاتسيالىق دامۋ باعدارلامالارىن جۇزەگە اسىرا باستادىق. ەكونوميكانى جاڭا تەحنولوگيالار, ۇزدىك جوبالار ارقىلى دامىتۋ ماقساتى قويىلىپ وتىر. سونىمەن قاتار, قازاقستان تابيعي قازبا بايلىقتارعا باي بولسا دا,