(ورالحان ويعا ورالعاندا)
ورالحان «لەنينشىل جاسقا» قىزمەتكە شاقىرىلىپ, العاش الماتىعا كەلگەن كۇنى ءبىزدىڭ ۇيگە كەلىپ قوندى. بۇل ءبىزدىڭ تۇڭعىش تانىسقان ءساتىمىز. وعان دەيىن ورالحاندى رەداكتسياعا جولداعان جازبالارى ارقىلى سىرتتاي عانا تانيتىنمىن. ال بەيتانىس ءجىگىتتىڭ تابان استىندا اتباسىن ءبىزدىڭ ءۇيگە تىرەۋى كەزدەيسوقتىق پا, جوق الدە جاراتقاننىڭ جازۋى ما, ول جاعىن كەسىپ ايتۋ قيىن.
(ورالحان ويعا ورالعاندا)
ورالحان «لەنينشىل جاسقا» قىزمەتكە شاقىرىلىپ, العاش الماتىعا كەلگەن كۇنى ءبىزدىڭ ۇيگە كەلىپ قوندى. بۇل ءبىزدىڭ تۇڭعىش تانىسقان ءساتىمىز. وعان دەيىن ورالحاندى رەداكتسياعا جولداعان جازبالارى ارقىلى سىرتتاي عانا تانيتىنمىن. ال بەيتانىس ءجىگىتتىڭ تابان استىندا اتباسىن ءبىزدىڭ ءۇيگە تىرەۋى كەزدەيسوقتىق پا, جوق الدە جاراتقاننىڭ جازۋى ما, ول جاعىن كەسىپ ايتۋ قيىن.
ناق سول كۇنى اقىن تولەگەن ايبەرگەنوۆتىڭ جىلىنا وراي رەداكتسيادا قىزمەت ىستەيتىن ايەلى ءۇرنيسا ۇجىمدى ۇيىنە شاقىرعان. ورالحاندى دا ەرتە بارعانبىز. قايتار كەزدە ەسىك الدىندا وڭاشا تۇرعان ورالحاننان قايدا توقتاعانىن سۇرادىم. «ونى ءوزىم دە بىلمەيمىن, قوناق ءۇي ىزدەيتىن شىعارمىن» دەگەن جاۋاپ الدىم. سويتسە تاڭەرتەڭ شامادانىن ۆوكزالدا قالدىرىپ, بىردەن رەداكتسياعا كەلگەن ەكەن. مەن ويلانباستان ۇيگە شاقىردىم. سودان ەكى ايدان استام ۋاقىت, ەلدەن كەلىنشەگى ايمان كوشىپ كەلىپ, جالعا پاتەر تاۋىپ العانشا ءبىزدىڭ وتباسىنىڭ ءبىر مۇشەسى بولىپ كەتتى.
مىنە, سول ءبىر ءساتتى كۇننەن باستالعان اراقاتىناسىمىز ول ىسساپارمەن ۇندىستانعا اتتانعانعا دەيىنگى ارالىقتا وتكەن شيرەك عاسىردا شاربولاتتاي شىڭدالىپ, شىنايى دوستىققا اينالعان ەدى. تۋىستاي تابىسىپ, اعايىنداي ارالاستىق, جان سىرىمىزدى, قۋانىش-قايعىمىزدى بولىستىك. رياسىز سىيلاستىعىمىزدىڭ سىرىن كەتىرمەي, ادال دوستىعىمىزدى ايالاپ عۇمىر كەشتىك. ءيا, ورالحان مەنىڭ ناعىز دوسىم ەدى. ءتىپتى, باسقالار تۇگىل, «جەتى جەتىم» ىشىندە دە ورالحان ەكەۋمىزدىڭ جاقىن-جاراستىعىمىز بولەكشە بولاتىن. ەندى مىنە, ءتىرى بولسا جاسى جەتپىسكە تولۋىن تويلاپ جاتاتىن سول ەرتە ايىرىلعان ەسىل دوسىمدى ەسىمە الىپ, سىر ءبولىسىپ وتىرعان جاعدايىم بار. قۇداي باسقا سالعان سوڭ كونبەسكە نە شارا؟! تاعدىردىڭ جازۋى وسىلاي بولعانى دا...
ويدا جوقتا ورالحاننان ايىرىلىپ, ورتامىزدىڭ ويسىراپ قالعانىنا تۋرا جيىرما جىل تولىپتى. بۇل ءبىر بىزدەر, وتباسى, قاتار جۇرگەن دوستارى عانا ەمەس, جالپى ەل-جۇرتىنىڭ ەڭسەسىن ەزگەن وقىس وقيعا, قابىرعاسىن قايىستىرعان قازا بولاتىن. مەزگىلسىز, توتەسىنەن كەلگەن اجالعا قانشا قايعىرىپ-قاپالانساق تا, ارتىنىڭ قايىرىن تىلەپ, شۇكىرشىلىككە جۇگىنۋگە ءماجبۇرمىز. ءوزى ولسە دە ءسوزى ءتىرى جازۋشىنىڭ عيبراتتى عۇمىرى جالعاسىپ, قالىڭ ەلى قازاعىنىڭ جادىندا جۇرگەنى كوڭىلگە مەدەت. كوركەم شىعارمالارى كوپشىلىكتىڭ كوڭىلىنەن شىعىپ, ەسىمى قازاق ادەبيەتىنىڭ تاريحىنا جازىلعان جايساڭ جازۋشى ورالحان بوكەيدى ۇلتى ۇلىقتاپ, قۇرمەت كورسەتىپ, جەتپىس جىلدىق مەرەيتويىن وتكىزىپ جاتقاندىعى قانداي كەرەمەت! حاس تالانتقا, دارا دارىنعا دەگەن تاعزىم, ەڭسەلى ەلدىكتىڭ بەلگىسى وسىنداي بولسا كەرەك!..
ورالحان اياۋلى اتامەكەنى – التاي ايماعىنىڭ تىلسىم تابيعاتى مەن قاراپايىم ادامدارىنىڭ بولمىس-ءبىتىمىن, ءتىرى بەينەلەرىن ءوز شىعارمالارىندا جارقىراتا جازعان-تىن. كۇندەلىكتى كۇيبەڭ تىرشىلىكتىڭ, الماعايىپ الەۋمەتتىك ءومىردىڭ تىنىسىن تاپ باسىپ, كوركەمدىك شىندىقتىڭ كورىگىندە شىڭداپ, بوياماسىز بولمىسىن جەرىنە جەتكىزە جازۋ ارقىلى سۇلەي سۋرەتكەرلىگىن تانىتقان ورنى بولەك جازۋشى ورالحان ەدى. ونىڭ سان سالالى تاقىرىپتى قامتىعان, قيلى تاعدىرلى كەيىپكەرلەر سومداعان كوركەم شىعارمالارىنىڭ وقيعالارى دا قيالدان قۇراستىرىلماعان. شىنايى شىندىق – كوركەم ادەبيەتتىڭ كوركى ەكەندىگىن جان-جۇرەگىمەن تۇسىنگەن جازۋشىعا ءتان وسى قاسيەت ورالحان كوركەمسوزدەرىندەگى كەيىپكەرلەرى – اۋىلداستارىنىڭ ءومىر-تىرشىلىگىنە ارنالعان كوركەمسوزدەرىنە دە كوشكەن. وعان كوز جەتكىزگىڭىز كەلسە تاياۋدا جارىق كورگەن «ءبىزدىڭ ورالحان» دەگەن قالىڭدىعى سۇبە قارىس كىتاپتى وقۋىڭىز كەرەك. وندا قالامگەردىڭ جەرلەستەرى جازعان ەستەلىكتەر مەن سۋرەتتەر توپتاستىرىلعان. كىتاپتى وقۋ بارىسىندا ورالحاننىڭ اڭگىمە-پوۆەستەرىنىڭ ءتىرى كەيىپكەرلەرىمەن تانىسىپ, ءتىلدەسەسىز. جازۋشىنىڭ ەل-جۇرتىنىڭ جۇرەگىندە وشپەستەي ءىز قالدىرۋىنىڭ باستى سىرى وسى بولسا كەرەك. ال ورالحاندى كوركەم ادەبيەتكە اكەلگەن ونىڭ وچەركتەرى, ياعني جۋرناليستىك جولى بولاتىن. بۇل جانردا و. بوكەي سالعان سونى سوقپاقتى قالامگەرلەر قاۋىمى تۇگەل مويىنداعان. ونىڭ كەيىپكەرلەرىن وڭىرىنە قاداعان وردەن-مەدالدارىنا قار