بۇگىن, 15 ساۋىردەگى تۇسكە دەيىنگى مالىمەتتەرگە سايكەس, الماتىدا كوروناۆيرۋستىق ينفەكتسيانى جۇقتىرعان 370 ناۋقاس بار. ونىڭ ىشىندە 6-ى بالا جانە ءۇش جۇكتى ايەل بار. بۇل تۋرالى الماتى قالاسى دەنساۋلىق ساقاتۋ باسقارماسىنىڭ باسشىسى تىلەۋحان ابىلداەۆ حابارلادى.
سونداي-اق الماتىداعى ورتالىق قالالىق كلينيكالىق اۋرۋحاناسىندا ىندەت جۇقتىرعان مەديتسينا قىزمەتكەرلەرىنىڭ سانى 182 ادامدى قۇرايدى.
ورتالىق قالالىق كلينيكالىق اۋرۋحانادا ەمدەۋگە جاتقىزىلعان جانە ەمدەلىپ جاتقان بارلىق پاتسيەنتتەردەن, ياعني 215 ادامنان كوروناۆيرۋستىق ينفەكتسياعا تالداۋ الىندى. وكىنىشكە وراي, 18 پاتسيەنتتىڭ تالداۋلارى وڭ ناتيجە بەردى.
سوvid-19-ى بار مەديتسينا قىزمەتكەرلەرىنىڭ جالپى سانى 218 ادامدى قۇرايدى, ونىڭ ىشىندە ورتالىق قالالىق كلينيكالىق اۋرۋحانانىڭ 182 قىزمەتكەرى, بالالار قالالىق كلينيكالىق جۇقپالى اۋرۋلار اۋرۋحاناسىنىڭ 30 قىزمەتكەرى, جەدەل شۇعىل مەديتسينالىق جاردەم ستانتسياسىنىڭ 2 قىزمەتكەرى, №1 قالالىق كلينيكالىق اۋرۋحانانىڭ 1 قىزمەتكەرى جانە №11, 32, 12 قالالىق ەمحانالاردىڭ ءبىر-ءبىر قىزمەتكەرى بار.