قازاقستان رەسپۋبليكاسىنىڭ سىرتقى ىستەر مينيسترلىگىندە قىتايدىڭ ەلىمىزدەگى ەلشىسى چجان سياومەن كەزدەسۋ ءوتتى. وندا قازاقستاندىق تاراپ قىتايلىق www.sohu.com سايتىنداعى «قازاقستان نەگە قىتايعا ورالۋعا تىرىسادى؟» اتتى ماقالاعا قاتىستى نارازىلىق ءبىلدىرىلدى.
«قىتاي ەلشىسىنە مۇنداي سيپاتتاعى ماقالانىڭ جاريالانۋى 2019 جىلعى 11 قىركۇيەكتە مەملەكەتتەر باسشىلارى قول قويعان قازاقستان رەسپۋبليكاسى مەن قىتاي حالىق رەسپۋبليكاسىنىڭ بىرلەسكەن مالىمدەمەسىندە ايقىندالعان ماڭگىلىك جان-جاقتى ستراتەگيالىق ارىپتەستىك رۋحىنا سايكەس كەلمەيتىندىگى ايتىلدى. تاراپتار اقپارات تاراتۋ جانە باق سالاسىندا تىعىز ءوزارا ىقپالداسۋعا كەلىستى», دەلىنگەن قازاقستان سىرتقى ىستەر مينيسترلىگىنىڭ اقپاراتىندا.
سونداي-اق قازاقستاننىڭ بەيجىڭدەگى ەلشىلىگى قحر سىرتقى ىستەر مينيسترلىگىنە ءتيىستى نوتا جولداعانى بەلگىلى بولىپ وتىر.