اۋانىڭ ورتاشا تەمپەراتۋراسى بەس تاۋلىك بويى +10 گرادۋستان جوعارى بولسا, جىلۋ بەرۋ توقتاتىلادى دەپ حابارلايدى ەلوردا اكىمدىگىنىڭ رەسمي سايتى.
قالالىق ءماسليحاتتىڭ 2014 جىلدىڭ 27 ماۋسىمىنداعى «جىلۋ ماۋسىمىنا دايىندىق جانە ونى وتكىزۋ قاعيدالارى تۋرالى» شەشىمىنە سايكەس, اۋانىڭ ورتاشا تەمپەراتۋراسى بەس تاۋلىك بويى +10 گرادۋستان جوعارى بولسا, نۇر-سۇلتان قالاسىنىڭ جەرگىلىكتى اتقارۋشى ورگانى جىلۋ ماۋسىمىن توقتاتۋ تۋرالى شەشىم قابىلدايدى.
ەنەرگيا بەرۋشى ۇيىمدار ءۇش كۇن ىشىندە باق ارقىلى جىلۋ ماۋسىمىنىڭ اياقتالۋى جانە جىلۋ جۇيەسىن ءوشىرۋ قاجەتتىلىگى تۋرالى تۇرعىندارعا حابارلاپ, جىلۋ جۇيەسىن ءوشىرۋ تۋرالى اكت راسىمدەيدى. جىلۋ ماۋسىمى اياقتالعاننان كەيىن تۇتىنۋشىلار, ورتالىق جىلۋ جۇيەسىن اجىراتىپ (قاجەت بولعان جاعدايدا بىتەۋىشتەردى ورناتا وتىرىپ), جازعى سحەما بويىنشا ىستىق سۋمەن جابدىقتاۋ جۇيەسى جۇمىسىن قامتاماسىز ەتۋى قاجەت. جوندەۋ جۇمىستارى باستالعانعا دەيىن جانە ولار اياقتالعاننان كەيىن ورتالىق جىلۋ جۇيەسى سۋمەن تولتىرىلۋى كەرەك.