مەملەكەت باسشىسى قاسىم-جومارت توقاەۆتىڭ كوروناۆيرۋسپەن كۇرەسىپ جاتقان مەديتسينا قىزمەتكەرلەرىنە كومەك كورسەتۋ تۋرالى تاپسىرماسىنا سايكەس, تۇركىستان وبلىسىندا 1994 دارىگەر ۇستەمەاقى الدى. COVID-19 ينفەكتسياسىمەن كۇرەستە ايانباي ەڭبەك ەتىپ جۇرگەن ماماندار جۇمىس قاۋىپتىلىگىنە قاراي 3 توپقا بولىنگەن. تاۋەكەلدىڭ ءبىرىنشى توبىنا وتە قاۋىپتى جاعدايدا جۇمىس ىستەيتىن 27 قىزمەتكەر ەندى. ەكىنشى سانات قاۋىپتىلىگىندەگى دارىگەرلەر مەن فەلدشەرلەرگە, ياعني, 337 مەديتسينا ماماندارىنا ۇستەمەاقى تولەندى. ءۇشىنشى توپقا 1630 قىزمەتكەر ەنىپ وتىر. ۇستەمەاقى العاندار رەانيماتسيا بولىمدەرىن قوسا العاندا, جۇقپالى اۋرۋلار ستاتسيونارلارىنىڭ دارىگەرلەرى, كارانتيندىك ايماقتاعى ورتا جانە كىشى بۋىن مەديتسينا قىزمەتكەرلەرى. سونداي-اق پروۆيزورلىق ستاتسيونار مەن جەدەل جاردەم قىزمەتىنىڭ دارىگەرلەرى جانە جەدەل-جاردەم جۇرگىزۋشىلەرى.
مەملەكەت باسشىسىنىڭ تاپسىرماسىنا سايكەس بەرىلىپ جاتقان بۇل قارجىلاي كومەك جانە ىنتالاندىرۋ سالا ماماندارىنا ۇلكەن قولداۋ بولدى. ءبىزدىڭ ارىپتەستەرىمىز وبلىستاعى ءار ناۋقاستى ءوزى جەكە باقىلاپ, دارىگەرلىك ەم كورسەتىپ قانا قويماي, جىلى سوزىمەن ءۇمىت سىيلاپ جۇرگەن ناعىز ماماندار. اق جەلەڭدى ابزال جاندار ءبىر ايعا جۋىق ۋاقىت جاقىن تۋىستارىن كورگەن جوق. ءوز كاسىبي قىزمەتىن باستى مىندەت سانايتىن ابزال ارىپتەستەرىمنىڭ اتىنان وسىنداي قىسىلتاياڭ ساتتە قولداۋ كورسەتكەن ەل بيلىگىنە العىسىمىزدى ايتامىز.
باقتىعالي ەرەجەپوۆ,
تۇركىستان وبلىسىنىڭ باس ينفەكتسيونيست-دارىگەرى, قازىعۇرت ورتالىق اۋداندىق اۋرۋحاناسىنىڭ باس دارىگەرى