پرەزيدەنتتىڭ كادرلىق رەزەرۆى: سونى سەرپىن

قابىلەتتى جاستاردى قولداۋعا, با­عىت بەرۋگە باعىتتالعان بۇل جوبا­عا قاتىسۋعا باس-اياعى 13 مىڭعا جۋىق ازامات ءوتىنىش ءبىلدىردى. 330 قا­تى­سۋ­شى توپ جارىپ, فينالدا باق سىناستى. رەزەرۆكە ەنگەندەردىڭ ورتا جاسى – 31.

رەزەرۆشىلەر تىزىمىنە جەكە سەك­تور­دىڭ 106 وكىلى, كۆازي­مەم­لە­كەت­تىك سەكتوردىڭ 98 قىزمەتكەرى جانە 96 مەم­لەكەتتىك قىزمەتكەر ەنگەنى بۇعان دەيىن دە حابارلانعان ەدى. بۇدان ەلى­مىز­دەگى ىلكىمدى جوباعا مەم­لە­كەت­تىك قىزمەتشىلەردەن بولەك, بيز­نەس­تە دە ۇلكەن تاجىريبەسى بار كاسىپ­كەر­لەردىڭ قىزىعۋشىلىق تانىت­قا­نىن بايقاي الامىز.

سونىمەن قاتار كونكۋرستا الماتى, نۇر-سۇلتان قالالارىمەن قا­تار قاراعاندى, شىعىس قازاقستان وبلىس­تارىنىڭ جاستارى دا ەرەكشە بەلسەندىلىك تانىتقان. بۇل مەم­لە­­كەت­تىك قىزمەتكە باسقا ايماق­تا­عى جاستاردىڭ دا تالاسى بارى­نىڭ كورىنىسى. سونداي-اق شەتەل اسىپ, ءبىلىم قۋعان جاس ماماندار ازەربايجان, ۇلىبريتانيا, گەر­مانيا, رەسەي, تۇركيا جانە فران­تسيا­دان ءوتىنىش بىلدىرگەن.

كادرلىق رەزەرۆتىڭ مەملەكەتتىك باسقارۋ سالاسىنا تىڭ سەرپىن بەرگەنى انىق. بۇل تۋرالى پرەزيدەنتتىك جاستار كادر رەزەرۆى مۇشەسى, BTS Education كومپانياسىنىڭ كونسۋلتانتى ولجاس ساكەنوۆ «كادرلىق رەزەرۆكە ەنگەن جاستاردىڭ 30 پايىزعا جۋىعى جەكە سەكتوردا, حالىقارالىق كومپانيالاردا جۇمىس ىستەگەن تا­جى­ري­بەلى ماماندار. الدا-جالدا مەم­لەكەتتىك قىزمەتكە كەلىپ جاتسا, بۇل ولاردىڭ سول سالاداعى تا­جى­ري­بەسى مەن بىلىكتىلىگىن مەم­لە­كەت­تىك باس­قارۋ ىسىندە دە قولدانىپ, ەرەكشە يدەيالاردى ىسكە اسىراتىنىن بىل­دىرەدى. وسىلايشا ولار ەلى­مىز­دىڭ ەرتەڭى ءۇشىن قىزمەت ەتىپ, حال­قى­­مىزدىڭ بولاشاعى جولىندا تەر توك­پەك.

ال جاستارعا كەلسەك, باع­دار­لا­ما­نىڭ ولارعا دا پايداسى كوپ. ويتكەنى جو­عارىدا ايتقانىمداي, جەكە يدەيالارىمىزدى ۇسىنىپ, تاجىري­بە­مىز­بەن بولىسۋگە مۇمكىندىك, ۇلكەن اسۋ­لار­­دى باعىندىرۋعا جولداما الدىق. بۇل باستامانى «الەۋمەتتىك ليفت» دەسەك تە بولادى», دەدى.

مەملەكەت باسشىسى جاستارعا قاراتا: «بۇگىنگى جاس بۋىننىڭ بي­لىك­كە كەلەتىن ۋاقىتى الىس ەمەس. سىزدەر مەملەكەتتى باسقارۋ تىزگىنىن الۋ­عا دايىن بولىپ, ءتيىستى ءبىلىم مەن بىلىكتى مەڭگەرۋلەرىڭىز قاجەت. جاس­تارىمىز ەل دامۋىنىڭ جاڭا تاري­حي كەزەڭىنە دايىن بولۋى كەرەك. ءبىلىم مەن بىلىك ورشىلدىكتەن بيىك تۇرۋى ءتيىس. جاڭارۋ ۇدەرىسى – ىشكى ساياساتتاعى باسىم باعىتتاردىڭ ءبىرى. كادر رەزەرۆىن جاساقتاۋ جۇمىستارى مۇنىمەن توقتاپ قالمايدى, جالعاسا بەرەدى. ونىڭ قاتارىنا ىنتالى جانە لايىقتى جاستار كىرەدى. الدا­عى كەزەڭدە ءححى عاسىردىڭ تا­بىستى مەملەكەتىن قۇرۋعا دايىن كاسىپكەرلەردىڭ, عالىمداردىڭ, مادە­نيەت قايراتكەرلەرىنىڭ, يننو­ۆا­تورلاردىڭ جانە باسقا دا تالانت­تى جاستاردىڭ جاڭا بۋىنىنا بەلسەندى قولداۋ كورسەتەمىز. ءتۇرلى سالاعا جاۋاپكەرشىلىكتى الۋدان, قالىپتان تىس جانە ءتيىمدى شەشىمدەر قابىل­داۋدان قورىقپايتىن جاڭا فورما­تسيا­داعى باسقارۋشىلار توبى قا­جەت», دەپ ايتقانىنداي, جاڭا فور­ما­تسياداعى باسقارۋشىلار توبى كوپ ۇزاماي قىزمەتتەرىنە كىرىستى. اتاپ ايتار بولسا, ساكەن شاياحمەتوۆ پاۆلودار وبلىسى اكىمىنىڭ ورىنبا­سا­رى, داستان رىسپەكوۆ مادەنيەت جانە سپورت مينيسترلىگى تۋريزم يندۋسترياسى كوميتەتىنىڭ توراعاسى, ءسابيت مۇقانوۆ مەملەكەتتىك قىزمەت ىستەر اگەنتتىگى باتىس قازاقستان وبلىسى بويىنشا دەپارتامەنتىنىڭ باسشىسى, ابىلقايىر تامابەك جامبىل وبلىستىق جەر پايدالانۋ جانە قورعالۋىن باقىلاۋ باسقارماسىنىڭ باسشىسى – باس مەملەكەتتىك ينسپەكتور قىزمەتىنە تاعايىندالدى.

ال سامات رامازانوۆ «تۇركىستان وبلىسىنىڭ جەر قاتىناستارى باس­قار­ماسى» مم-ءنىڭ باسشىسى قىز­مەتىن اتقارۋدا. بۇعان قوسا نۇر-سۇلتان قالالىق اكىمدىگى كادرلىق رە­زەر­ۆتەگى 7 جاستى جۇمىسقا قابىل­دا­دى. مەملەكەتتىك قىزمەت ىستەرى اگەنتتىگىنىڭ اقپاراتىنا سۇيەنسەك, بيىل رەزەرۆتەگىلەردىڭ كەم دەگەندە 40%-ى جۇمىسقا ورنالاسادى.

جۇزدەن جۇيرىك, مىڭنان تۇل­پار شىققان, ىرىكتەلگەن جاس مامان­دار­دىڭ بۇگىندە 36,5%-ى ينفرا­قۇ­رىلىم مەن سەرۆيستىك سالالاردى دامىتۋ, ونەركاسىپ, اۋىل شارۋاشىلىعى جانە قورشاعان ورتا­نى قورعاۋ سالاسىندا, 21,5%-ى ەكو­نوميكالىق جانە قارجىلىق, 7%-ى سىرتقى جانە ىشكى ساياسات, 5%-ى الەۋمەتتىك, 4%-ى قۇقىقتىق ساياسات سالاسىندا, سونداي-اق 12%-ى وڭىرلىك جانە 14%-ى باسقارۋ توپتارىندا قاراستىرىلعان قىز­مەت­تەردى تاڭداعان. ياعني, ءبىلىمى مەن تاجىريبەسىنە بايلانىستى باعىت­تارى ەسكەرىلگەن. بۇل تۇرعىدا عى­لىم مەن ءبىلىم سالاسى دا نازاردان تىس قالماعان.

ءال-فارابي اتىنداعى قازۇۋ بيو­­مەديتسينا عىلىمي-زەرتتەۋ ورتا­لى­­عىنىڭ ديرەكتورى قىزمەتىنە تا­عايىن­دالعان الىبەك ىدىرىس ۇلى جوبا «حالىق ۇنىنە قۇلاق اساتىن مەم­لەكەت» تۇجىرىمداماسىنا نە­گىز­­­دەلەدى دەگەن ويىمەن ءبو­لىس­تى. «بۇل قۇ­زى­رەتتىلىكتەر رەزەرۆ­شى­لەر­دىڭ حا­­لىقپەن ەتەنە جۇمىس ىستەۋ, سو­نى­­مەن بىرگە ەلىمىزدىڭ الەۋ­مەت­تىك-ەكونوميكالىق ماسەلەلەردى شەشۋ قابىلەتىنە ساي جاسالعان. بۇل جوبانىڭ ۇلكەن ارتىقشىلىعى ەلى­مىزدەگى كادر تاڭداۋداعى ەسكى ۇر­دىس­تەن ادا بولۋى. مەن ءال-فا­را­بي اتىنداعى قازۇۋ جانىنان قۇ­رىلىپ جاتقان قازىرگى عالام­دىق عىلىمنىڭ دامۋىنداعى ەڭ ماڭىزدى سالانىڭ ءبىرى بيومەديتسينا سالاسىن ەلىمىزدە دامىتۋعا با­عىت­تالعان بيومەديتسينا عىلىمي-زەرت­تەۋ ورتالىعىنىڭ ديرەكتورى قىزمەتىنە تاعايىندالدىم. 1997 جىلى سول كەزدەگى ەل اعالارىنىڭ ەڭبەگىمەن «حا­لىقتىڭ كوشى-قونى تۋرالى» زاڭى قا­بىل­دانىپ, شەتەلدەن قايتقان ميلليوننان استام قازاقتىڭ قاتارىندا مەنىڭ دە اتالارىم بار ەدى. بۇگىندە ەل يگىلىگىنە قىزمەت ەتۋگە جولداما الىپ وتىرمىن. تاۋەلسىز وتانىما اباي اتامىز ايتقانداي ء«بىر كىرپىش بولىپ قالانۋ» مەن ءۇشىن ۇلكەن جەتىستىك», دەيدى ءا.ىدىرىس ۇلى.

پرەزيدەنت قاسىم-جومارت تو­قا­ەۆ «Egemen Qazaqstan» گازەتىنە بەر­­گەن سۇحباتىندا «جاستاردىڭ لا­يىق­تى ءبىلىم الۋىنا, الاڭسىز جۇمىس ىستە­ۋىنە تەڭدەي مۇمكىندىك بەرىلۋى قاجەت. اۋىل مەن قالاداعى جاس ازامات ءۇشىن دە, لاۋازىمدى, اۋقاتتى نەمە­سە قاراپايىم شارۋا وتباسىنىڭ با­لاسى ءۇشىن دە الەۋمەتتىك ءليفتتىڭ ەسىگى كەدەرگىسىز اشىق بولۋى كەرەك. اي­نا­لىپ كەلگەن­دە, الەۋمەتتىك تەڭ­دىك دەگەنىمىز – وسى. ءبىز وسىعان قول جەت­كىزۋگە ءتيىس­پىز. مەملەكەتتىك قىز­مەتكە تاعا­يىنداۋ بارىسىندا مە­ري­توك­را­تيا ءپرينتسيپىن ۇستانعان ءجون. ازا­ماتتاردى تەك بىلىمىنە, قابى­­لە­تىنە قاراي تاعايىنداۋ تالابى قاعاز بەتىندە قالماي, ءىس جۇ­زىندە ورىندالۋى قاجەت», دەپ ايت­قان ەدى. رەسپۋبليكامىزدىڭ ءار اي­ماعىنداعى جاستارعا ەل ساياساتىنا ارالاسۋعا جول اشىپ, تىڭ يدەيا­لارىن مەملەكەتتىك قىزمەت سالا­سىن جاق­سارتۋعا قولدانۋعا مۇم­كىن­دىك بەرگەن پرەزيدەنتتىڭ جاستار كادر­لىق رەزەرۆى تاڭدالعان 300 جاس­پەن قا­تار حالىقتىڭ دا جارقىن بو­لا­شاققا سەنىمىن ارتتىرىپ, ءۇمىت وتىن جاققانداي. ەلدىڭ ەرتەڭگى تىزگىنىن ۇستاۋ وسىنداي جالىندى جاستاردىڭ قاتارىنان شىعادى ەمەس پە!