التاي تابيعاتىنىڭ الاپاتىن اسىرادى

بيىلعى بايقاۋعا قاتى­سۋ­شى­لار ءۇشىن كەيبىر وزگە­رىس­تەر­دى ايتا كەتەلىك. «جيۆايا پريرودا التايا» اتاۋىمەن تانى­مال جوبا سوڭعى جىلدارى كەڭە­يە ءتۇستى. سەرىكتەستەردىڭ سانى ارتىپ, جاڭادان نوميناتسيا­لار قوسىلدى. ماسەلەن, «جيۆايا پريرودا التايا» X حالى­قا­را­لىق فوتوبايقاۋى 9 اتالىم­نان تۇرادى: «پەيزاج», «جان­ۋار­لار», «وسىمدىكتەر», «ميك­رو­ال­ەم», ء«موبيلدى فوتوسۋرەت», ء«تىرى تابيعات ۆيدەوسى», ء«تىرى تا­بيعات مينۋتى», ء«تىرى تابيعات تۋرالى ەسسە» جانە بونۋستىق نوميناتسيا «قورىقتىق التاي». جا­ڭا­دان قوسىلعان ء«تىرى تابي­عات مي­نۋتى» اتالىمىنا قاتى­سۋ­شىنىڭ جەكە Instagram پاراق­شا­­­سىندا ورنالاستىرىلعان جانە #مينۋتاجيۆپا2020 حەش­­­تەگىمەن بەلگىلەنگەن ۆيدەو­لار كىرەدى. تاعى ءبىر جاڭالىق, ء«تى­رى تابيعات تۋرالى ەسسە» نو­مي­نا­تسياسى سۋرەت اۆتورىنىڭ بەرگەن تاقىرىپتاعى ويلارى مەن اسەرلەرىن بىلدىرەتىن شا­عىن كولەمدى جانە ەركىن كوم­پو­زي­تسيا­داعى شىعارما. سونىمەن قاتار بايقاۋ جۇمىستارىن رە­سىم­­دەۋدى جەڭىلدەتۋ ءۇشىن ساۋالداما ۇسىنىلدى, ونى تولتىرىپ, ءتيىستى تۇردە قول قويىلعان فوتو­سۋرەتتەردى قوسا وتىرىپ, كون­كۋرس­قا قاتىسا الاسىز.

جۇمىستار 2020 جىلدىڭ 1 ساۋىرىنەن 30 قىركۇيەگىنە دەيىن قابىلدانادى. 27 قارا­شا­دا رەسەيدىڭ بارناۋىل قالا­سىن­داعى التاي ادەبيەت تاري­حى, ونەر جانە مادەنيەتى مەملە­كەت­تىك مۇراجايىندا ۇزدىك جۇ­مىس­تار­دىڭ فوتوكورمەسىنىڭ سالتاناتتى اشىلۋى وتپەك. سونداي-اق جەڭىمپازداردى ماراپاتتاۋ 2021 جىلدىڭ 29 قاڭتارىندا وتەدى. «قورىقتىق التاي» نومي­نا­تسيا­سى­نىڭ جەڭىمپازى جىل فوتوگرافى جانە «جيۆايا پريرودا التايا – 2020» كونكۋرسىنىڭ باس جەڭىمپازى بولىپ جاريالانادى.

ۇيىمداستىرۋشىلار قاتا­رىن­دا التاي ادەبيەت تاريحى, ونەر جانە مادەنيەتى مەم­لەكەت­تىك مۇراجايى, التاي رەس­پۋب­­­لي­كاسىنىڭ ا.ۆ.انوحين ات­ىن­داعى ۇلتتىق مۇراجايى, «تيگيرەك» مەملەكەتتىك قورى­عى, «كاتۋن» مەملەكەتتىك تا­بي­عي بيوسفەرالىق قورىعى, التاي مەم­لەكەتتىك تابيعي بيوس­فە­را­لىق قورىعى, «ساي­ليۋگەم» ۇلتتىق پاركى جانە ەلىمىزدىڭ «كاتون­قا­راعاي مەملەكەتتىك ۇلتتىق تابي­عي پاركى» رەسپۋبليكالىق مەم­لە­كەت­تىك مەكەمەسى بار.