قىلمىستىق قۋدالاۋدان جاسىرىنىپ جۇرگەن ازاماتتاردى ىزدەۋ – سىبايلاس جەمقورلىققا قارسى ءىس-قيمىل اگەنتتىگى جۇمىسىنىڭ ماڭىزدى باعىتى. سىبايلاس جەمقورلىق قىلمىستارى فيگۋرانتتارىنىڭ باسىم بولىگى ۇرى, قاراقشى جانە ت.ب. سەكىلدى قىلمىسكەرلەر توبىرىنان ساپالىق جاعىنان ەرەكشەلەنەدى. اۋقىمدى ىسكەرلىك بايلانىستار مەن قوماقتى قارجىلىق مۇمكىندىكتەر ولارعا «قاشۋ جوسپارىن» بۇگە-شىگەسىنە دەيىن ويلاستىرىپ, كەيىن ونى ىسكە اسىرۋعا مۇمكىندىك بەرەدى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ ءباسپاسوز قىزمەتى حابارلادى.
الايدا تاجىريبەدەن بايقاعانىمىزداي, بۇل نيەتتىڭ تابىستىلىعى كوبىنە كۇمان مەن قيالعا تولى. قاشقىن قىلمىسكەرلەر اقشانىڭ جىلدام ازايۋىمەن قوسا, تۋعان-تۋىستارىمەن سويلەسۋدىڭ تاپشىلىعى مەن تۋعان جەرىن ساعىنۋدان باستاپ كەي جاعدايدا وزىنە-ءوزى قول جۇمساۋ اۋرۋىمەن ۇلاساتىن قورقىنىش سەزىمىنە دەيىنگى مورالدىك-پسيحولوگيالىق ماسەلەلەر جيىنتىعىنا تاپ بولادى.
وسىعان قاراماستان, اگەنتتىكتىڭ ىزدەستىرۋ قىزمەتى جەتىلدىرۋىن جالعاستىرۋدا جانە ءوزىنىڭ تيىمدىلىگىن پاش ەتۋدە: اعىمداعى جىلدىڭ ءبىرىنشى توقسانىندا عانا بىلتىرعى جىلدىڭ ءدال وسى كەزەڭىمەن سالىستىرعاندا 2 ەسە كوپ ادام تابىلدى.
بۇل ماسەلەدە قىلمىسكەرلەردى بەرۋ تۋرالى قازاقستان رەسپۋبليكاسى جاساسقان 82 ەكىجاقتى كەلىسىم مەن شەتەلدىك قۇقىق قورعاۋ ورگاندارىمەن ورنىقتى بايلانىستار ماڭىزدى ءرول اتقارادى.
اتاپ ايتقاندا, تاياۋدا عانا بىرىككەن اراب امىرلىكتەرىنەن «بتا-بانكتىڭ» لاۋازىمدى تۇلعالارىنا قاتىستى قىلمىستىق ءىس بويىنشا ىزدەۋدە بولعان يبراگيموۆ قايتارىلدى.
قاشقىنداردىڭ جاقىن تۋىستارىمەن جانە دوستارىمەن ىنتالى اڭگىمەلەسۋ ءوزىن ىزدەۋدىڭ ءبىرشاما ىقپالدى ءتاسىلى رەتىندە كورسەتتى. وسىنداي كەزدەسۋلەر بارىسىندا سىبايلاس جەمقورلىققا قارسى قىزمەتتىڭ قىزمەتكەرلەرى ادامنىڭ نە ءۇشىن ىزدەۋدە ەكەنىن, ونىڭ مەملەكەت پەن قوعامعا قانداي شىعىن اكەلگەنىن, ەگەر ەركىمەن كەلگەن جاعدايدا قانداي جازا الاتىنىن جانە وزگە دە قىزىقتىراتىن ماسەلەلەردى تولىق تۇسىندىرەدى.
بيىل سەندىرۋ ءتاسىلىنىڭ ارقاسىندا ىزدەۋدەگىلەردىڭ جالپى سانىنىڭ 60% ءوز ەركىمەن كەلدى. ماسەلەن, اتا-اناسىمەن جانە ادۆوكاتپەن سويلەسكەننەن كەيىن بيىل 9 قاڭتاردا ءبىلىم جانە عىلىم ۆيتسە-ءمينيسترى شاياحمەتوۆتىڭ ءىسى بويىنشا 5 جىل بويى ىزدەۋدە بولعان, رەسەيدە جاسىرىنىپ جۇرگەن كيرەەۆ ءوز ەركىمەن اگەنتتىككە كەلدى. وسىنداي اڭگىمەلەسۋلەردەن سوڭ تۇركىستان وبلىسىنداعى «قازىعۇرت» كەدەن بەكەتىندە انىقتالعان سىبايلاس جەمقورلىق قىلمىستارى بويىنشا ىزدەۋدەگى كۋنگۋراتوۆ, جارقىنبەكوۆ, ماقاجانوۆ اگەنتتىكتىڭ شىمكەنت قالاسى بويىنشا دەپارتامەنتىنە كەلدى.
سونىمەن قوسا, اگەنتتىك باسقا قۇقىق قورعاۋ ورگاندارىنا اسا قاۋىپتى قىلمىسكەرلەردى ىزدەستىرۋ بويىنشا بەلسەنە كومەكتەسەدى. اتاپ ايتقاندا, پروكۋراتۋرانىڭ قايتا تاپسىرىلعان ىزدەەستىرۋ ءىسى بويىنشا اعىمداعى جىلدىڭ اقپان ايىندا الماتى قالاسىندا قر ۇلتتىق گۆاردياسىمەن بىرلەسكەن وپەراتسيا بارىسىندا ولىمگە اكەپ سوققان اۋىر دەنە جاراقاتتارىن سالعانى ءۇشىن 2012 جىلدان بەرى ىزدەۋدە بولعان نىسامباەۆ ۇستالدى.
ءتيىمدى ىزدەستىرۋ اگەنتتىك جۇمىسىنىڭ باستى قاعيداسىنىڭ ءبىرى – جازانىڭ بۇلتارتپاستىعىن ىسكە اسىرۋدىڭ شەشۋشى فاكتورى ەكەندىگىن اتاپ وتكەن ءجون.