مەملەكەتتىك كوميسسيا شەشىمىمەن 20 ساۋىردەن باستاپ نۇر-سۇلتان جانە الماتى قالالارىنداعى بىرقاتار ەكونوميكا سەكتورلارىنىڭ جۇمىسى قالپىنا كەلتىرىلەدى. ولاردىڭ ناقتى ءتىزىمى 15 ساۋىردە بەلگىلى بولادى. جۇمىسىن جالعاستىرۋى مۇمكىن سەكتورلار تۋرالى اقپارات جانە قوعامدىق دامۋ ءمينيسترى داۋرەن اباەۆ حابارلادى.
«الماتى قالاسى بويىنشا ءساۋىردىڭ ءۇشىنشى دەكاداسىندا ونەركاسىپتىڭ بارلىق سالالارى, قويمالار, قۇرىلىس, ەكىنشى دەڭگەيدەگى بانك قىزمەتكەرلەرىنىڭ 50%-نا دەيىن, قىزمەت كورسەتۋ سالاسىنىڭ كەيبىر سەكتورلارى تولىق جۇمىس كۇنى رەجيمىنە كوشەدى. ناتيجەسىندە, الماتى قالاسىندا 128 مىڭ ادام جۇمىسىن جالعاستىرادى. بارلىق شەكتەۋ تالاپتارىنىڭ ساقتالاتىنىن ەسكە سالامىز», - دەدى مينيستر.
بۇدان بۇرىن حابارلاعانداي, داۋرەن اباەۆ نۇر-سۇلتان مەن الماتى قالالارىندا اۋرۋ جۇعۋ قاۋپى ەڭ از دەگەن كاسىپورىندار ىسكە قوسىلاتىنىن ايتتى.