7 ساۋىردە بولعان قارلى بوراندا اداسىپ كەتكەن اۋليەكول اۋدانىنىڭ تۇرعىنى جەكسەنبى كۇنى اۋرۋحانادا قايتىس بولدى. دارىگەرلەردىڭ ايتۋىنشا, اۋرۋحاناعا اۋىر قالدە جەتكىزىلگەن زەينەتكەردىڭ بۇرىننان باۋىرى اۋىرادى ەكەن. ونىڭ ۇستىنە ەكى كۇن بويى بوران استىندا قالىپ, بۇكىل اعزاسىنا سۋىق ءوتىپ كەتكەن.
بۇعان دەيىن بايانداعانىمىزداي, بوران باستالاتىن كۇنى 64 جاستاعى ديەۆ اۋىلىنىڭ تۇرعىنى جەرگىلىكتى سەرىكتەستىكتىڭ جىلقىسىن باعىپ كەتكەن. ارتىنشا قار ارالاس قاتتى داۋىل باستالادى. زەينەتكەردىڭ ەكى كۇننەن بەرى ۇيگە ورالماعانى تۋرالى پوليتسياعا ءىنىسى حابارلايدى. پوليتسەيلەر ەرىكتىلەر مەن اكىمدىك قىزمەتكەرلەرىنىڭ كومەگىمەن دەرەۋ جەدەل ىزدەستىرۋگە كىرىسىپ, جىلقىشىنى ۇشقاراسۋ اۋىلىنا 50 شاقىرىم جەردە قۇلاپ جاتقان جەرىنەن تاۋىپ العان. قۇتقارۋشىلار جىلقىشىنى دەرەۋ اۋرۋحاناحا جەتكىزەدى. ءوزى قارلى بورانعا قۇربان بولعانىمەن, زەينەتكەر قاراۋىنداعى 400 باس جىلقىنى شىعىنسىز ساقتاپ قالعان.
قوستاناي وبلىسى