بۇگىن وڭىردەگى كوروناۆيرۋس ىندەتىن بولدىرماۋ باعىتىنداعى جۇمىستار مەن كارانتيندىك شارالار جايلى وبلىس اكىمىنىڭ ورىنباسارى سەرىك احمەت بريفينگ وتكىزدى.
وبلىس اكىمىنىڭ ورىنباسارى بريفينگتە ەڭ الدىمەن ءار تۇرعىننىڭ قاۋىپسىزدىگى ءۇشىن جاسالىپ جاتقان شەكتەۋ شارالارىنا تۇسىنىستىكپەن قاراۋعا شاقىردى.
– كارانتيننەن كەيىن دە تىرشىلىك جالعاسادى. سوندىقتان, ءبىزدىڭ الدىمىزدا تۇرعان ەڭ باستى مىندەت – حالىقتىڭ ءومىر ءسۇرۋ دەڭگەيىن تەز ارادا قالىپقا كەلتىرۋ. وسى ءۇشىن دە قازىر قاۋىپسىزدىكتى بارىنشا ساقتاي وتىرىپ وڭىردەگى ماڭىزدى وندىرىستىك سالالار جۇمىسىن جالعاستىرىپ جاتىر, – دەدى سەرىك ءابجالى ۇلى.توتەنشە جاعداي كەزىندە كاسىپكەرلەردىڭ دە كومەگى از بولىپ وتىرعان جوق. وسى ۋاقىتقا دەيىن ايماقتاعى جەڭىل ونەركاسىپ ورىندارى ميلليونعا جۋىق بەتپەردە تىگىپ, ونىڭ جارتىسى تۇرعىندارعا تەگىن تاراتىلدى. جەرگىلىكتى كاسىپكەرلەردىڭ ءبىرى ۆيرۋس جۇقتىرعانداردى ەمدەپ جاتقان دارىگەرلەردى قالا ورتالىعىنداعى قوناقۇيىنە ورنالاستىردى. «كازپەترولگرۋپ» جشس باسشىلىعى كومپانيا اتىنان 120 دارىگەرگە 100 مىڭ تەڭگەدەن سىياقى تابىستادى.
وبلىساكىمىنىڭ ورىنباسارى بۇگىن ايماق باسشىسىنىڭ جەتەكشىلىگەن وتكەن شتاب وتىرىسىندا باسقا دا ماڭىزدى ماسەلەلەر قارالعانىن ايتىپ ءوتتى.