7 ساۋىردەگى قارلى بوراننان كەيىن قوستاناي قالاسىنىڭ سولتۇستىك باتىس اۋدانىندا 4 كوشەنى سۋ باسىپ قالدى.
مۇندا بوراندى كۇنى 1 تاۋلىك ىشىندە ءبىر ايلىق قار ءتۇسىپ, ەرتەسىندە-اق جىلدام ەري باستادى. ارتىنشا اۋلالاردى سۋ الىپ, كولىك تۇگىلى, جاياۋ ادامنىڭ ءجۇرۋى قيىنداپ كەتتى. ەل ەكىنشى قوستاناي دەپ اتايتىن بۇل شاعىن اۋدانداعى بىرنەشە كوشەنىڭ تۇرعىندارى تىزەگە دەيىن بالشىق كەشىپ, ءۇيىنىڭ ىشىندە, ەدەنىنىڭ استىندا كىلكىگەن سۋدى سورعىتا الماي الەك. تۇرعىندار ەرىگەن قاردىڭ سۋىنا تەرەڭنەن كوتەرىلگەن جەراستى سۋىنىڭ قوسىلىپ جاتقانىن ايتادى. ويتكەنى ءۇي استىنداعى بۇگىن سورعىتقان سۋ ەرتەسى كۇنى قايتا كولكىپ شىعا كەلەتىن كورىنەدى.
كوممۋنالدىق قىزمەت ەنگەلس, بەلينسكي, سپارتاك, تۋرگەنەۆ كوشەلەرىندە بىرنەشە كۇننەن بەرى تىنىمسىز جۇمىس ىستەپ جاتىر. الايدا كوشەنى قۇرعاتقانىمەن, ءۇي استىن سورعىتىپ ۇلگەرە الار ەمەس.
ۆيدەونى تۇسىرگەن جانە مونتاجداعان اۆتور.
قوستاناي وبلىسى