#Bizbirgemiz قايىرىمدىلىق اكتسياسى اياسىندا NCOC كومپانياسى اتىراۋداعى №2 وبلىستىق اۋرۋحاناعا 1 ميلليارد تەڭگەنىڭ جابدىعىن سىيعا تارتتى.
كومپانيا ءباسپاسوز قىزمەتىنىڭ حابارلاۋىنشا, وسى اپتادا NCOC №2 وبلىستىق اۋرۋحاناسىنىڭ قارقىندى تەراپيا بولىمىنە قوسىمشا مەديتسينالىق قۇرال-جابدىقتار, ونىڭ ىشىندە وكپەنى جاساندى جەلدەتۋ اپپاراتتارىن, جەكە ساقتانۋ قۇرالدارىن, سونىمەن قاتار, اتىراۋ ءوڭىرىنىڭ وزگە دە مەديتسينا مەكەمەلەرىنە انتيبيوتيكتەردى, ينفۋزيالىق ەرىتىندىلەردى, زارارسىزداندىرۋ قۇرالدارىن تابىستادى. سونداي-اق, كومپانيانىڭ ارنايى شاقىرتۋىمەن كەلگەن ۇلىبريتانيالىق دارىگەر اتىراۋلىق مەديتسينا قىزمەتكەرلەرىنە COVID-19 كوروناۆيرۋس ينفەكتسياسىن جۇقتىرعان ناۋقاستاردى قارقىندى تەراپيامەن ەمدەۋ بويىنشا تۇراقتى وقىتۋ كۋرستارى مەن سەمينارلار وتكىزىپ, كەڭەس بەرۋدە.
بۇعان دەيىن NCOC اۋرۋحاناعا جالپى قۇنى 1 ميلليارد تەڭگەگە جۋىق قارجىعا وكپەنى جاساندى جەلدەتۋ اپپاراتتارىن, شىعىن ماتەريالدارىن, وزگە دە قارقىندى تەراپيا جابدىعىن الىپ بەرگەن ەدى.
ء–بىز وسىنداي شارالاردى الداعى ۋاقىتتا دا جالعاستىرامىز. جاقىن ارادا اتىراۋ جانە ماڭعىستاۋ وبلىستارىنىڭ مەديتسينا قىزمەتكەرلەرى ءۇشىن مەديتسينالىق قۇرال-جابدىق پەن جەكە ساقتانۋ قۇرالدارىنىڭ تاعى ءبىر پارتياسىنىڭ جەتكىزىلۋىن كۇتۋدەمىز -دەيدى NCOC كومپانياسىنىڭ باسقارۋشى ديرەكتورى ريچارد حوۋۆ.
جۇماسات عازيز