الماتى وبلىسى: الەۋمەتتىك تولەم الۋشىلار ءتىزىمى كەڭەيتىلدى

قازىر الەۋمەتتىك تولەمدى الاتىندار سانى قايتا قارالىپ, ولاردىڭ ۇلەسى كۇننەن كۇنگە ارتىپ كەلەدى. توتەنشە جاعداي كەزىندە قارجىلىق كومەكتى تەك بۇرىن رەسمي جۇمىسى بولعاندار عانا ەمەس, ءوزىن ءوزى جۇمىسپەن قامتىعاندار دا الاتىن بولدى. بۇگىندە اۋداندىق جانە قالالىق شتابتار دەمالىسسىز كۇشەيتىلگەن رەجيمدە جۇمىس ىستەۋدە. 10 ءساۋىر كۇنگى مالىمەت بويىنشا, 42 500 تەڭگە كولەمىندەگى الەۋمەتتىك كومەككە 328 مىڭنان استام ادام ءوتىنىش بەرگەن.

وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ مالىمەتىنشە, ءوتىنىش بەرۋ مەحانيزمى بارىنشا وڭايلاتىلعان: ەشقايدا بارۋدىڭ كەرەگى جوق, ازاماتتاردىڭ وزدەرىنە قولايلى بولۋى ءۇشىن ءوتىنىشتى ءبىر عانا ەلەكتروندى فورماتتا بەرۋىنە بولادى. جالپى الماتى وبلىسى بويىنشا بيىل الەۋمەتتىك كومەكتىڭ بارلىق تۇرلەرى بويىنشا تولەم قارجىسى ەر مەن 27 ملرد 589 ملن تەڭگەگە جەتىپ وتىر.

- بيىلدان باستاپ ااك الۋشى وتباسىلاردىڭ 1 - 6 جاس ارالىعىنداعى بالالارىنا كەپىلدى الەۋمەتتىك پاكەت تۇرىندەگى قولداۋدىڭ قوسىمشا شارالارى ەنگىزىلدى. جىل باسىنان بەرى بۇل كومەكتى 6 مىڭنان استام وتباسى الدى, ياعني, 13,7 مىڭ بالا قامتىلدى. كەپىلدى الەۋمەتتىك پاكەت وسى ايدا دا بەرىلەدى. جىل باسىنان بەرى ااك تاعايىندالعان وتباسىلار سانى ون ەكى مىڭنان استى, - دەيدى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى زايدا ءىلىمجانوۆا.

الماتى وبلىسى