بىرىككەن اراب امىرلىكتەرىنەن ورالعان جولاۋشىلاردان ىندەت ينفەكتسياسى انىقتالمادى

شاردجا - تالدىقورعان باعىتىنداعى əۋە رەيسى كەشە ساعات 21:30-دا قونعان ەدى. وبلىس əكىمىنىڭ تاپسىرماسىمەن جەدەل شتاب قۇرىلىپ, ونى وبلىس əكىمىنىڭ ءبىرىنشى ورىنباسارى لاززات تۇرلاشوۆ باسقاردى. وپەراتسيانىڭ ءبىرىنشى كەزەڭىندە جولاۋشىلاردىڭ بارلىق جۇكتەرى,  تىڭعىلىقتى دەزينفەكتسيالاۋدان ءوتتى. مۇنان سوڭ 135 جولاۋشى تەلەمەتريا پروتسەدۋراسىنان وتكىزىلىپ, بارلىعىنىڭ دەنە قىزۋى قالىپتى ەكەنىن كورسەتتى. قاۋىپسىزدىكتى قامتاماسىز ەتۋ ءۇشىن  كەلۋشىلەردى قارسى الۋ وپەراتسياسىنا تارتىلعانداردىڭ بارلىعى دا وباعا قارسى كوستيۋممەن قامتاماسىز ەتىلدى. Əۋەجايدا ءتيىستى پروتسەدۋرالاردىڭ بəرىنەن وتكەننەن كەيىن رەيس جولاۋشىلارى اۆتوبۋستارعا وتىرعىزىلىپ, پوليتسيانىڭ باستاپ جۇرۋىمەن ۋاقىتشا ستاتسيونارعا جەتكىزىلىپ, ورنالاستىرىلدى.

- جولاۋشىلاردىڭ بəرىنەن كەلگەن بەتتە كوروناۆيرۋسقا قارسى اناليز الىنعان بولاتىن. بارلىعىنىڭ قورىتىندىسى تەرىس بولىپ شىقتى. الگوريتمگە سəيكەس ولار ەكى كۇن كارانتيندە بولۋى ءتيىس. وسى مەرزىم بىتكەننەن كەيىن وبلىس əكىمى اماندىق باتالوۆ دال ولاردىڭ əرقايسىسىن تۇرعىلىقتى جەرىنە جەتكىزىپ سالۋدى ۇيىمداستىرۋدى تاپسىردى. قازىر  وعان دايىندىق شارالارى ءجۇرىپ جاتىر, - دەدى بۇگىن وبلىس əكىمىنىڭ ءباسپاسوز حاتشىسى عالىمۇرات جۇكەل.  

شەتەلدەن ورالعان وتانداستارىمىز ءبىر بولىگى تالدىقورعانداعى قوناق ۇيگە  ورنالاستىرىلدى. تۇرعىنداردىڭ قاۋىپسىزدىگىن قامتاماسىز ەتۋ ءۇشىن كوشەنىڭ تۇتاس ءبىر بولىگىن جابۋ تۋرالى شەشىم قابىلداندى. قالعان 90 ادام  تەكەلى قالاسىنداعى «تەكەلى» ساناتوريىنە جاتقىزىلدى. اتالعان ەكى نىساننىڭ ماڭايىنا پوليتسيا جاساقتارى قويىلدى. وسى رەيسپەن كەلگەن ازاماتتاردىڭ عيماراتتار اۋماعى  شەگىنەن شىعۋعا قاتاڭ شەكتەۋ قويىلعان. وعان قوسا وبلىس əكىمىنىڭ تاپسىرماسىنا سəيكەس بۇل وتانداستارىمىزعا ورنالاستىرىلعان جەردە كارانتين كەزىندە تۇرۋىنا قاجەتتى  بارلىق قولايلى جاعدايلار جاسالعان.تەگىن تاماقتانۋ, ءتۇرلى باعىتتا كەڭەس الۋعا مۇمكىندىكتەر قاراستىرىلعان.

ال بۇگىن تولىقتاي تەكسەرۋدەن وتكەن 135 جولاۋشىنىڭ اناليزدەرىنىڭ نəتيجەسى بەلگىلى بولدى. ولاردان جۇقپالى اندەت ينفەكتسياسى تابىلعان جوق.

الماتى وبلىسى