شاحان شاحماران مۇمكىندىگى شەكتەۋلىلەر مۇمكىندگى شەكتەۋلى ەمەس شەكسىز ەكەنىن ىلكىمدى ىسىمەن دالەلدەپ بەرىپ جۇرگەن ەرىك-جىگەرى مول جىگىت. ول اقتوبەدەگى «پاندۋس-وك» جشس-نىڭ باسشىسى رەتىندە بۇرىنعى جانە بۇگىنگى عيماراتتاردىڭ كىرەبەرىسىنە پاندۋستار جاساپ ورناتۋ ىسىنە جەتەكشىلىك جاساپ كەلەدى.
پاندەميا سالدارىنان ەل-جۇرت اۋىر جاعدايعا تاپ بولعان كەزدە جاڭاشىل جان اياق-قولى ساۋ ادامدارمەن بىرگە مۇگەدەكتەرگە ارنالعان اربامەن ءجۇرىپ وتۋگە دە وتە ىڭعايلى زالالسىزداندىرۋ توننەلىن جاساپ شىعاردى. شاپاعاتى مەن ساۋابى مول ايىرىقشا جوبانى شاحان «تاينيك-كز» كومپانياسىمەن بىرلەسىپ ىسكە اسىردى. بۇل زالالسىزداندىرۋ ءدالىزى «سنپز-اقتوبەمۇنايگاز» اق عيماراتىنىڭ الدىنا ورنالاستىرىلدى.
زەردەلى جەتەكشى بۇل يدەيانى مارات يگاليەۆ دەگەن ازامات الەۋمەتتىك جەلىدەگى پاراقشاعا بۇدان ەكى اپتا بۇرىن جاريالاعان پوستتان الىپتى. مۇندا تۇركيادا زالالسىزداندىرۋ توننەلى جاسالىپ جاتقانى ايتىلعان ەكەن. سىني ءسات تالابىنان تۋىنداعان جاڭالىق وعان دا وي سالادى. ءسويتىپ وسىنداي توننەلدى ءوزىمىز نەگە جاساپ شىعارماسقا دەگەن شەشىمگە كەلەدى. ءارى بۇل وي-جوسپارىن كوپ كەشىكپەي جوعارىدا اتالعان كومپانيا وكىلدەرىمەن بىرگە جۇزەگە اسىرادى.
مۇندا تۇتىنۋشىلاردىڭ ۇسىنىس-تىلەكتەرى تولىقتاي ەسكەرىگەن. شاحان جاساعان جوبانىڭ وسى تەكتەس وزگە توننەلدەرگە قاراعاندا ساپالى ءارى باعاسى تومەن ەكەندىگى دە ونىڭ ارتىقشىلىعى مەن ەرەكشەلىگىن تانىتادى. ياعني, اتالعان زالالسىزداندىرۋ ءدالىزدىڭ باعاسى نەبارى 450 مىڭ تەنگە توڭىرەگىندە. قازىر وعان وبلىس ورتالىعىنداعى ءىرى سۋپەرماركەتتەردەن جانە كورشىلەس وبلىستاردان كوپتەگەن سۇرانىستار تۇسۋدە.
جارايسىڭ, شاحان!