شاعىن جانە ورتا بيزنەستى قولداۋ شارالارى قالاي جۇزەگە اسادى؟

– وسى جىلعى 1 ماۋسىمعا دەيىن ميكرو, شاعىن نەمەسە ورتا كاسىپكەرلىك سۋبەكتىلەرى ءۇشىن سالىقتاردىڭ بارلىق تۇرلەرىن, باسقا دا مىندەتتى تولەمدەر مەن الەۋمەتتىك تولەمدەردى تولەۋدى كەيىنگە شەگەرۋ مۇمكىندىگى بەرىلدى.

– 1 ماۋسىمعا دەيىن ءوسىمپۇل ەسەپتەۋ, شىعىس وپەراتسيالارىن توقتاتۋ, م ۇلىكتى بيلەۋىن شەكتەۋ بويىنشا شارالاردى قابىلداۋ جانە سالىق جانە كەدەن قارىزدارىن, الەۋمەتتىك تولەمدەر بويىنشا قارىزداردى ماجبۇرلەپ ءوندىرىپ الۋ (تاۋەكەل دارەجەسى جوعارى سالىق تولەۋشىلەردى قوسپاعاندا) توقتاتىلدى.

– ءىرى ساۋدا نىساندارى, ساۋدا-ويىن-ساۋىق ورتالىقتارى, كينو زالدارى, تەاترلار, كورمەلەر مەن سپورت نىساندارى بويىنشا, سونداي-اق قوعامدىق تاماقتاندىرۋ, قوناق ءۇي جانە تۋريستىك قىزمەت سالالارىندا جۇمىس ىستەيتىن سالىق تولەۋشىلەر بويىنشا م ۇلىك سالىعىن تولەۋدەن جىل سوڭىنا دەيىن بوساتۋ قاراستىرىلعان.

– اگروونەركاسىپتىك كەشەندى قولداۋ ماقساتىندا ءىرى قارا مال مەن اسىل تۇقىمدى بالاپانداردى قامتيتىتن اوك بيولوگيالىق اكتيۆتەرىنىڭ يمپورتىنا ققس سالىنبايتىن بولادى.

– 1 ساۋىردەن 1 قازانعا دەيىنگى مەرزىمدە ەڭبەكاقى تولەۋ قورىنان مىندەتتى تولەمدەر مەن سالىق تولەۋدەن بوساتۋدى تاپسىردى, ونىڭ ىشىندە ساۋدا نىساندارى, قوعامدىق تاماقتاندىرۋ, قوناق ءۇي بيزنەسى نىساندارى, كولىك جانە كونسۋلتاتسيالىق قىزمەتتەر مەن ءىت سالاسى بار.

اكتسيزدەردەن بوساتۋ

– ەكسپورتقا وتكىزۋ كەزىندە اكتسيز تولەۋدەن بەنزين (اۆياتسيالىقتان باسقا), ديزەل وتىنىن وندىرۋشىلەر بوساتىلدى.

– جىل سوڭىنا دەيىن ەكسپورتقا وتكىزىلەتىن بەنزين (اۆياتسيالىقتان باسقا) مەن ديزەل وتىنى بويىنشا مۇناي وڭدەۋ زاۋىتتارى اكتسيز تولەۋدەن بوساتىلدى.

دەكلاراتسيالار مەن حابارلامالار

– دەكلاراتسيانى تاپسىرۋ مەرزىمى 2020 جىلدىڭ 30 ساۋىرىنە دەيىن (31 ناۋرىزدان باستاپ) ۇزارتىلدى. 2019 جىلدىڭ قورىتىندىسى بويىنشا دەكلاراتسيا تاپسىرۋ مەرزىمىن ۇزارتۋ تۋرالى شەشىم قابىلداندى.

– توتەنشە جاعداي كەزەڭىندە بولاتىن كامەرالدىق باقىلاۋ بويىنشا حابارلامانى ورىنداۋ مەرزىمدەرى ۇزارتىلدى (جوعارى تاۋەكەل دارەجەسى بار سالىق تولەۋشىنى قوسپاعاندا).

تەكسەرۋلەر مەن ايىپپۇلدار

– توتەنشە جاعداي كەزىندە مەملەكەتتىك كىرىستەر ورگاندارى جۇزەگە اسىراتىن تەكسەرۋلەردى جۇرگىزۋ مەرزىمى توقتاتىلدى (1406 تەكسەرۋ). قازىردىڭ وزىندە باستالعان تەكسەرۋلەر توتەنشە جاعداي كەزەڭىندە توقتاتىلا تۇرادى, توتەنشە جاعداي اياقتالعاننان كەيىن تەكسەرۋ جۇمىستارى قايتا باستالادى.

– توتەنشە جاعدايمەن بايلانىستى قارجىلىق جاعدايدىڭ ناشارلاۋى ناتيجەسىندە قارىز الۋشىلاردا تۋىنداعان تولەمدەردىڭ مەرزىمىن وتكىزىپ الۋ بويىنشا ايىپپۇلدار مەن وسىماقىلار ەسەپتەلمەيدى.

ارەندالىق تولەمدەر

– 26 ناۋرىزدان باستاپ قارجى مينيسترلىگى مەن جاو ءبىر جاقتى تارتىپپەن 20 ماۋسىمعا دەيىن 7 701 مەملەكەتتىك م ۇلىكتى جالداۋ شارتى بويىنشا ارەندالىق تولەمدەردى ەسەپتەۋدى توقتاتتى. وسى كەزەڭدە رەسپۋبليكالىق جانە جەرگىلىكتى بيۋدجەتتەرگە شامامەن 1,2 ملرد تەڭگە تۇسپەيدى.

– بۇل ساناتقا: مەكتەپ اسحانالارى, اۋرۋحانالارداعى, ەمحانالارداعى ءدارىحانالار جانە ت. ب. كىرەدى.

كۆازيمەملەكەتتىك سەكتور سۋبەكتىلەرى كورپوراتيۆتىك راسىمدەر اياسىندا دەربەس جالعا بەرەتىن م ۇلىك بويىنشا اياقتالىپ قالدى.

شوب سۋبەكتىلەرىن جەڭىلدىكپەن نەسيەلەۋ باعدارلاماسى

– بيزنەستى قولداۋ تەتىگى ەكىنشى دەڭگەيلى بانكتەردىڭ توتەنشە جاعدايدى ەنگىزۋ ناتيجەسىندە زارداپ شەككەن جەكە كاسىپكەرلەرگە, شاعىن جانە ورتا كاسىپكەرلىك سۋبەكتىلەرىنە اينالىم كاپيتالىن تولىقتىرۋعا 12 ايعا دەيىنگى مەرزىمگە, جىلدىق 8%-دان اسپايتىن مولشەرلەمە بويىنشا جەڭىلدىكتى نەسيەلەر بەرۋ جولىمەن ىسكە اسىرىلادى. 

الماتى