بۇگىندە جامبىل وبلىسىندا دا ەنگىزىلگەن كارانتينگە بايلانىستى شەكتەۋ شارالارىنا قاراماستان قۇرىلىس ماتەريالدارى مەن كونسترۋكتسيالارىن شىعاراتىن جەرگىلىكتى كاسىپورىنداردىڭ رەزەرۆتەرى مەن مۇمكىندىكتەرىن نىعايتۋ قاجەتتىگى تۋىنداپ وتىر. وسى ماقساتتا وبلىس اكىمى بەردىبەك ساپارباەۆ تاراز قالاسىنىڭ بىرقاتار وندىرىستىك كاسىپورىندارىن ارالادى.
ول اۋەلى «گيمارات تەمىر بەتون» جشس-ءنىڭ وندىرىستىك تسەحتارىندا, «بينوم» كومپانياسىنىڭ ءىرى پانەلدى قۇرىلىس كومبيناتىندا, سونداي-اق, گيپس شىعاراتىن زاۋىتتاردا بولدى. مۇندا قۇرىلىس پەن اۋىل شارۋاشىلىعى سالاسىندا قاجەتتى بەتون پليتالار, ناۋالار, باعاندار جانە باسقا دا بۇيىمدار دايىندالادى.
كاسىپورىن ديرەكتورى قالداربەك سماتوۆتىڭ ايتۋىنشا, شىعارىلعان بۇيىمداردى وتكىزۋدە ەشقانداي كەدەرگى جوق. ءونىم تسەحتاردان تۇتىنۋشىلارعا تىكەلەي جونەلتىلەدى. دەگەنمەن, كارانتيننىڭ جاريالانۋىنا بايلانىستى تاسىمالداۋعا قاتىستى بىرقاتار ماسەلەلەر تۋىنداعانىن ايتتى. «زاۋىتتا 150 ادام ەڭبەك ەتەدى. ولاردىڭ ەڭبەكاقىسى 90-100 مىڭ تەڭگەنى قۇرايدى. مۇقتاج جاندارعا ماتەريالدىق كومەك كورسەتىلىپ تۇرادى», دەدى ول. ال, بەردىبەك ساپارباەۆ باستى مىندەت ءوندىرىس قۋاتىن ارتتىرۋ, شىعارىلاتىن ءونىم كولەمىن ەسەلەۋ ەكەنىن ايتا كەلىپ, تاسىمالداۋعا قاتىستى ماسەلەلەردىڭ شەشىلەتىنىن جەتكىزدى.
«بينوم» جشس جامبىل وبلىسىنداعى ءىرى قۇرىلىس كومپانيالارىنىڭ ءبىرى. مەنشىكتى كوپفۋنكتسيونالدى جاڭعىرتىلعان بازا, قۇرىلىس تەحنيكاسى مەن اۆتوكولىك پاركىنىڭ بولۋى, قۇرىلىس بەتونى, شىنى پلاستيكتىڭ, اعاش جانە مەتالل كونسترۋكتسيالارىنىڭ وندىرىستەرى كاسىپورىنعا قازاقستاننىڭ وڭتۇستىك ايماعىنىڭ كەز كەلگەن نۇكتەسىندەگى جاڭا قۇرىلىستى وڭ جولعا قويۋعا مۇمكىندىك بەرەدى. ء«بىزدىڭ ءۇي قۇرىلىسى كومبيناتىنىڭ جىلدىق قۋاتى 30 مىڭ شارشى مەتردى قۇرايدى. وتكەن جىلى تاراز قالاسىنداعى 15-شاعىن اۋدانداعى ەكى تۇرعىن ءۇي, «قاراسۋ» ماسسيۆىندە 4 جاتاقحانا, 9-شاعىن اۋداندا تۇرعىن ءۇي جانە سۇلەيمەنوۆ كوشەسىندە ءبىر ءۇي پايدالانۋعا بەردىك. قازىرگى ۋاقىتتا «بينوم» بەس جوبانى جۇزەگە اسىرۋدا. سونىڭ ءبىرى رەتىندە 9 قاباتتى ءىرى پانەلدى تۇرعىن ءۇيدىڭ قۇرىلىسىن جۇرگىزىپ جاتقانىمىزدى ايتۋعا بولادى. سونداي-اق, 2020 جىلى مەملەكەت ەسەبىنەن 60 مىڭ شارشى مەترگە جۋىق تۇرعىن ءۇي سالۋ جوسپارلانعان», دەيدى اتالعان كاسىپورىننىڭ باس ديرەكتورى سەرىك ولجابەكوۆ. سونىمەن قاتار, بەردىبەك ساپارباەۆ قالىپتاۋ جانە مەتاللوپلاستيكالىق تسەحتارىندا دا بولىپ, قۇرىلىسشىلارمەن جاڭا عيماراتتاردىڭ جوبالارىن تالقىلادى. «مامىر ايىنىڭ ءبىرىنشى كۇنىنەن باستاپ ءبىزدىڭ وبلىستا الەۋمەتتىك نىسانداردىڭ, ونىڭ ىشىندە تۇرعىن ءۇي قۇرىلىسىنىڭ قارقىندى جۇمىسى باستالادى. بۇل ىستە ءبىز سىزدەردىڭ كومبيناتتارىڭىزعا دا سەنىم ارتىپ وتىرمىز. سىزدەردە قۋاتتى بازا, جاقسى ماماندار بار. الايدا, تۇرعىن ءۇي سالۋ كەزىندە ءبىر عانا ۇلگىمەن شەكتەلمەۋ كەرەك. عيماراتتاردىڭ قاسبەتتەرى ءار ءتۇرلى بولۋى ءتيىس جانە بۇل رەتتە ولار كوز تارتاتىن ديزاين ەلەمەنتتەرىمەن كورىنىس تاپقانى ماڭىزدى. بالكوندار دا تەك تەمىر بەتوندى ەمەس, تارتىمدى بولعانى دۇرىس», دەدى دەدى بەردىبەك ساپارباەۆ. ال, «كازۋپاكترەيد» جشس-ءنىڭ تەحنيكالىق ديرەكتورى سەفەتتين حىزارجى كاسىپورنىنىڭ قىزمەتى تۋرالى مالىمەت بەردى. ونىڭ ايتۋىنشا, كاسىپورىن ونىمدەرى تەك وبلىستا عانا ەمەس, ۇلكەن كولەمدە نۇر-سۇلتان مەن الماتى قالالارىنا دا جونەلتىلەدى. اعىمداعى جىلدىڭ ءۇش ايىندا 3200 توننا گيپس شىعارىلعان. اكىم بۇگىندە قۇرىلىسشىلارعا گيپسوكارتون قاجەت ەكەنىن ايتىپ, نەگە وسىنداي ءونىمنىڭ وندىرىسىمەن اينالىسپايتىنىن سۇراعاندا, حىزارجى وسى ماسەلە بويىنشا جۇمىس ىستەپ جاتقاندىقتارىن جەتكىزدى. ونىڭ ايتۋىنشا, قازىرگى ۋاقىتتا فرانتسيادان كەلگەن ينۆەستورلارمەن كەلىسسوزدەر جۇرگىزىلۋدە ەكەن. ەگەر ۋاعدالاستىققا قول جەتكىزىلسە, ءوندىرىس كەڭەيتىلە تۇسپەك. «بىراق بۇل ءۇشىن بىزگە نەگىزگى ماگيسترالعا دەيىن تەمىر جول تارماعىن سالۋ قاجەت», دەدى س.حىزارجى. «بۇل ورايدا ەشقانداي ماسەلە تۋىندامايدى دەپ ويلايمىن. ءتيىستى ەسەپتەردى جۇرگىزىپ, ۇسىنىستارىڭىزدى ازىرلەڭىزدەر. ءبىز «بيزنەستىڭ جول كارتاسى» باعدارلاماسى اياسىندا قولداۋ كورسەتۋ جولىن قاراستىرامىز», دەدى اكىم. سونىمەن قاتار, ب.ساپارباەۆ ونەركاسىپ كاسىپورىندارىنىڭ باسشىلارىمەن كەزدەسۋ بارىسىندا جۇمىسشىلاردىڭ جاي-كۇيىنە اسا نازار اۋدارۋ كەرەكتىگىن باسا ايتتى. ولاردىڭ جالاقىلارىنىڭ ۋاقىتىلى تولەنۋى جانە كارانتين كەزەڭىندە ينفەكتسيادان جەكە قورعانۋ قۇرالدارىمەن قامتاماسىز ەتۋدىڭ ماڭىزدىلىعىن اتاپ ءوتتى.
جامبىل وبلىسى