قىزىلوردالىق كاسىپكەر كوروناۆيرۋس جۇقتىرعان ناۋقاستاردى ەمدەپ جۇرگەن دارىگەرلەردى ءوزىنىڭ قوناقۇيىنە ورنالاستىردى. قوناقۇيدە مەديتسينا قىزمەتكەرلەرىنىڭ تىنىعىپ, دەمالۋىنا بار جاعداي جاسالعان. ءۇش مەزگىل تاماق بەرىلىپ, بولمەلەرى زالالسىزداندىرىلىپ تۇرادى.
"مۇندا دارىگەرلەرگە جانە ورتا, كىشى بۋىن ماماندارىنا قولايلى جاعداي جاسالعان. ولار جاتىن ورىننان بولەك قورعانىش قۇرالدارىمەن قامتاماسىز ەتىلگەن. جۇمىستان كەيىن ۇيلەرىنە قايتپاي, ارنايى مەديتسينالىق كولىكپەن وسى قوناق ۇيگە جەتكىزىلەدى",- دەپ حابارلادى وبلىستىق دەنساۋلىق ساقتاۋ باسقارماسى.
جالپى قوناقۇيدە كوروناۆيرۋسپەن كۇرەسىپ جۇرگەن 100-دەن استام دارىگەر ورنالاستىرىلعان. ولارعا كوپبەيىندى وبلىستىق اۋرۋحانانىڭ 7 مامانى قىزمەت كورسەتەدى. بۇل ماماندار تازالىق, زالالسىزداندىرۋ جۇمىستارىن جۇرگىزۋمەن قاتار, ىندەتپەن كۇرەسۋشىلەردىڭ دەنە قىزۋىن ولشەپ, مەديتسينالىق تەكسەرىستەن وتكىزەدى.