- اتىراۋ قالاسىنىڭ مامانداندىرىلعان اكىمشىلىك سوتىندا اكىمشىلىك قۇقىقبۇزۋشىلىق تۋارلى كودەكستىڭ 608-بابىنىڭ 8-بولىگى جانە 476-بابىنىڭ 6-تارماعىمەن ازاماتشا ا.ج.-عا قاتىستى اكىمشىلىك ىستەر قارالدى. سوتتا انىقتالعانداي, ونىڭ كولىك قۇرالىن باسقارۋ قۇقىعى بولماعان. الايدا, 2020 جىلدىڭ ءساۋىر ايىندا تۇنگى ۋاقىتتا الكوگولدىك ماساڭ كۇيدە اۆتوكولىكتى باسقارعان. قۇقىق قورعاۋشىلارمەن ونىڭ ارەكەتى كولىك قۇرالىن ماساڭ كۇيدە باسقارۋ جانە توتەنشە جاعداي رەجيمىن بۇزۋ دەپ دارەجەلەنگەن, - دەپ حابارلادى وبلىستىق سوتتىڭ ءباسپاسوز قىزمەتى.
سوت وتىرىسىندا قۇقىق بۇزۋشى كىناسىن مويىنداعان. ول اقتالۋ ءۇشىن پاتەر كىلتىن اپكەسىنە جەتكىزۋ ءۇشىن كولىك قۇرالىن باسقارۋعا ءماجبۇر بولعانىن ايتقان. بىراق, سوت وعان قاتىستى بىرنەشە قاۋلى شىعاردى. ءسويتىپ, ماس كۇيدە كولىك رۋلىنە وتىرعان ايەلگە قر اكىمشىلىك قۇقىقبۇزۋشىلىق تۋرالى كودەكستىڭ 608-بابىنىڭ 8-بولىگىمەن 371 140 تەڭگە اكىمشىلىك ايىپپۇل سالىندى. سونداي-اق, اتالعان كودەكستىڭ 476-بابىنىڭ 6-تارماعىمەن ەسكەرتۋ تۇرىندەگى جازا قولدانىلدى.
جۇماسات عازيز