التىنسارين اۋدانىنا قاراستى ساتاي اۋىلىنىڭ تۇرعىندارى ءتورت كۇن بويى جارىقسىز وتىر. شاعىن ەلدى مەكەنگە باراتىن كۇرە جول 7 ساۋىردە سوققان كۇشتى بوراننان كەيىن قالىڭ قاردىڭ استىندا قالدى. كۇنى بۇگىنگە دەيىن جول ارشىعان جان جوق.
وبلىس ورتالىعىنان ازىق-ت ۇلىك تاسيتىن كولىك جەتە الماعان سوڭ, اۋىلداعى جالعىز دۇكەننىڭ ەسىگىنە الدەقاشان قارا ق ۇلىپ سالىنعان. اينالا دۇنيەدەن وقشاۋ قالىپ, قار قۇرساۋىنا قامالعان اياداي اۋىلدىڭ تىرشىلىگى وسىلايشا تۇيىققا تىرەلىپ تۇر. ابىروي بولعاندا تۇرعىندار اۋىز سۋدى اۋلاداعى قۇدىقتان الىپ ءىشىپ وتىر.
باس-اياعى 76 ءۇي ءتۇتىن تۇتەتىپ وتىرعان ەلدى مەكەن ءماريام حاكىمجانوۆا اتىنداعى اۋىلدىق وكرۋگكە قارايدى. حابارلاسىپ, ءمان-جايدى سۇراپ بىلدىك. اۋىلدىق وكرۋگ اكىمدىگىنىڭ باس مامانى قايرات جاراسباەۆتىڭ ايتۋىنشا, 7 ساۋىردە سوققان سويقان بوران ساتايدىڭ اينالاسىنداعى قالىڭ قاراعاي, اعاشتىڭ كوبىن قۇلاتىپ كەتكەن. سالدارىنان ەلەكتر جەلىلەرى ءۇزىلىپ, اۋىل جارىقسىز قالىپ وتىر. قازىر كراسنىي كوردون ەلدى مەكەنىنە دەيىنگى قيراعان جوعارى ۆولتتى باعانداردى قايتا تۇرعىزۋ, ۇزىلگەن جەلى سىمدارىن جالعاۋ جۇمىستارى ءجۇرىپ جاتىر. سودان كەيىنگى كەزەك ساتايعا كەلەدى.
قوستاناي وبلىسى