ENRC-دە (ەۋرازيا تابيعي رەسۋرستار كورپوراتسياسىندا) «مەكتەپكە جول» اكتسياسى جاقسى داستۇرگە اينالعان. اعىمداعى جىلى كورپوراتسيا كاسىپورىندارىنداعى قىزمەتكەرلەردىڭ بالالارى مەن تۇرمىستىق جاعدايى تومەن جانە كوپ بالالى وتباسىلاردىڭ بىرنەشە مىڭداعان بالالارى ماتەريالدىق كومەك الدى. جالپى, وسى ماقساتقا 32,5 ملن. تەڭگەدەن استام قاراجات باعىتتالعان.
ENRC-دە (ەۋرازيا تابيعي رەسۋرستار كورپوراتسياسىندا) «مەكتەپكە جول» اكتسياسى جاقسى داستۇرگە اينالعان. اعىمداعى جىلى كورپوراتسيا كاسىپورىندارىنداعى قىزمەتكەرلەردىڭ بالالارى مەن تۇرمىستىق جاعدايى تومەن جانە كوپ بالالى وتباسىلاردىڭ بىرنەشە مىڭداعان بالالارى ماتەريالدىق كومەك الدى. جالپى, وسى ماقساتقا 32,5 ملن. تەڭگەدەن استام قاراجات باعىتتالعان.
«كازحروم» تۇك» اق جاڭا وقۋ جىلىنا دايىندىق ءۇشىن تۇرمىستىق جاعدايى تومەن بالالارعا جانە كەمتار بالالارعا 11 ملن. تەڭگە ءبولدى. وسى ورايدا كازحرومنىڭ فيليالى – ءدوڭ كبك-ءنىڭ «بالالار ۇيلەرىنىڭ تاربيەلەنۋشىلەرىنىڭ ءومىرى مەن كارەراسىن جوسپارلاۋ» اكتسياسىن اتاپ وتكەن ابزال. كاسىپورىن العا بالالار ءۇيىنىڭ 15 تاربيەلەنۋشىسىن ءوز قاناتىنىڭ استىنا الىپ, ولاردىڭ ءومىرىن قۇرۋعا كومەكتەسەتىن بولادى.
سوكولوۆ-سارىباي كەن بايىتۋ وندىرىستىك بىرلەستىگى (سسكوب) اعىمداعى جىلى ءۇش جانە ودان دا كوپ بالالارى بار وتباسىلاردىڭ جانە اسىراۋشىسىنان ايرىلعان وتباسىلاردىڭ بالالارىن مەكتەپكە دايىنداۋعا 10 ملن. تەڭگە كولەمىندە قارجىلاي كومەك كورسەتتى. وتكەن جىلداردىڭ قورىتىندىسى بويىنشا وسىنداي ماتەريالدىق كومەكتى ءبىر مىڭنان استام بالا الدى.
قازاقستان ەلەكتروليز زاۋىتى (قەز) ءبىرىنشى سىنىپقا باراتىن 75 بۇلدىرشىنگە مەكتەپكە قاجەتتى زاتتاردى الۋعا ارنالعان سىيلىقتىق سەرتيفيكاتتار تابىس ەتتى. سونىمەن قاتار, كوپ بالالى زاۋىت قىزمەتكەرلەرىنىڭ 45 بالاسىنا ماتەريالدىق كومەك كورسەتىلدى. جالپى, اعىمداعى جىلى قايىرىمدىلىق شاراسى اياسىندا جارتى ميلليون تەڭگەدەن استام قاراجات جۇمسالدى. بۇل قاراجاتقا بالالاردىڭ اتا-انالارى پاۆلودار قالاسىندا كەڭسە تاۋارلارىن ساتاتىن ۇزدىك دۇكەندەردىڭ بىرىندە قاجەتتى كەڭسە تاۋارلارىن ساتىپ الدى. بۇعان قوسا زاۋىت قىزمەتكەرلەرىن كاچير بالالار ءۇيىنىڭ تاربيەلەنۋشىلەرىن دە مەيراممەن قۇتتىقتادى. اكتسيانى ۇيىمداستىرۋشىلار مەكتەپ تابالدىرىعىن اتتاعان التى بالاعا قاجەتتى جابدىقتاردى تابىستادى.
«قازاقستان ءاليۋمينيى» اق باسشىلىعى ءبىلىم كۇنىنە ورايلاستىرىپ, ميلليون تەڭگەدەن استام قاراجات ءبولدى. الەۋمەتتىك جاردەمگە كوپ بالالى وتباسىلار مەن اسىراۋشىسىنان ايىرىلعان وتباسىلارداعى 116 مەكتەپكە باراتىن بالا يە بولدى. الداعى جوسپاردا ودان دا كوپ قايىرىمدىلىق شارالار بار. زاۋىت قىزمەتكەرلەرى ۇشق ۇلىن اۋىلىنىڭ وقۋشىلارى مەن زاۋىت قىزمەتكەرلەرىنىڭ وسى جىلى مەكتەپ تابالدىرىعىن اتتايتىن بالالارىنا ارناپ ءبىرىنشى سىنىپ وقۋشىسى كۇنىن وتكىزەدى.
«ەۋروازيالىق ەنەرگەتيكالىق كورپوراتسيا» اق جۇمىسشىلارى ءۇشىن دە بالالارعا كومەك كورسەتۋ ءداستۇرلى ءىس-شارا. كومپانيا تۇرمىستىق جاعدايى تومەن وتباسىلار مەن كوپ بالالى وتباسىلارداعى بالالارعا, جەتىم بالالارعا كومەك كورسەتەدى. بۇعان قوسا, كاسىپورىن قىزمەتكەرلەرى مۇقتاج بالالارعا ارناپ قاراجات جينايدى. اعىمداعى جىلى كورپوراتسيا وسى ماقساتقا 4,5 ملن. تەڭگە باعىتتادى. ولاردىڭ 1,5 ملن. تەڭگەسى اقسۋ قالاسىنداعى كوپ بالالى جانە تۇرمىستىق جاعدايلارى تومەن وتباسىلارداعى بالالاردىڭ مەكتەپكە قاجەتتى كەڭسە زاتتارىن الۋعا باعىتتالادى. بۇل قاراجاتقا مەكتەپ فورماسى, اياق كيىم جانە وقۋ قۇرالدارى الىنادى. وسىنشاما قاراجات ەكىباستۇز قالاسىنداعى «ءۇمىت» بالالار ۇيىنە دە باعىتتالماق.
جايرەم كبك اكتسيا اياسىندا 4,1 ملن. تەڭگە باعىتتادى. وعان كوپ بالالى جۇمىسشىلاردىڭ 419 بالاسى مەكتەپكە قاجەتتى زاتتار ساتىپ الدى. «شۇباركول كومىر» اق 1,6 تەڭگە جۇمساپ, 184 بالاعا كومەك كورسەتتى.
ەۋرازيا تابيعي رەسۋرستار كورپوراتسياسى ارقاشان جاس ۇرپاقتىڭ بولاشاعى تۋرالى ويلايدى. ءبىز جاس قازاقستاندىقتاردىڭ ءبىلىمدى جانە باقىتتى بولعاندارىن قالايمىز, دەپ اتاپ ءوتتى ENRC PLC باس اتقارۋشى ديرەكتورى فەليكس ۆۋليس.
2012 جىلى ENRC قازاقستانداعى الەۋمەتتىك جوبالارعا 16 ملرد. تەڭگە باعىتتادى.
«ەگەمەن-اقپارات».