ەلوردادا سالىنىپ جاتقان اۋرۋحانا قۇرىلىسى قالاي ءجۇرىپ جاتىر؟ (فوتورەپورتاج)

قازاقستاندا كورونوۆيرۋستىق ينفەكتسياعا قارسى ءۇش مەديتسينالىق مەكەمەنىڭ قۇرىلىسى باستالدى. ولار ىندەتتەن كەيىن قاراپايىم مەديتسينالىق مەكەمە رەتىندە جۇمىسىن  جالعاستىرادى.

ەلورداداعى جۇقپالى اۋرۋحانا 200 ورىندى (رەانيماتسياداعى 20 ورىندى قوسقاندا)  قامتيدى دەپ جوسپارلانىپ وتىر.

الماتىداعى نىسان 280 ورىنعا ەسەپتەلسە, شىمكەنتتەگى اۋرۋحانا 200 ناۋقاستى قابىلداي الاتىن بولادى.

ۇكىمەت مەديتسينالىق مەكەمەلەردى قىسقا مەرزىمدە سالىپ, ىسكە قوسۋدى BI Group حولدينگىنە تاپسىردى.

ەلورداداعى نىساننىڭ جەر جۇمىستارى الدىن الا جۇرگىزىلىپ, قۇرىلىس 5 ساۋىردە باستالدى. قازىرگى ۋاقىتتا ينجەنەرلىك جەلىلەردى مونتاجداۋ جۇمىستارى اياقتالىپ, نەمىس تەحنولوگياسى بويىنشا MODEX زاۋىتىندا جاسالعان مودۋلدىك تەمىربەتون بلوكتار ورناتىلۋدا.