قوستاناي وبلىسىندا بۇگىن تۇندە باستالعان قارلى بوران ءالى تولاستار ەمەس. تاڭەرتەڭ اقتۇتەك بوران ودان سايىن كۇشەيە ءتۇسىپ, وبلىس ورتالىعىندا كولىك قوزعالىسى مەن جاياۋ جۇرگىنشىلەردىڭ ءجۇرىپ-تۇرۋى قيىندادى.
وتكەن اپتادا عانا كۇن كۇركىرەپ, جاڭبىر جاۋعان. ارتىنشا جۇرگىزۋشىلەردىڭ كوبى كولىك دوڭعالاقتارىنىڭ قىسقى رەزەڭكەسىن شەشىپ تاستاعان. پوليتسيانىڭ مالىمەتىنشە, كۇرە جولداردىڭ بويىندا كولىكتەر تىزگىنگە باعىنباي, جول شەتىنە اۋىپ كەتىپ جاتىر.
كۇن رايىنىڭ كۇرت بۇزىلۋىنا بايلانىستى ايماقتاعى بارلىق كولىك جولدارى جابىلعان. كۇرە جولدارعا ارنايى تەحنيكا شىعىپ, قار ارشۋ, جولدا قالعانداردىڭ بار-جوعىن انىقتاۋ جۇمىستارىمەن اينالىسىپ جاتىر.
كۇشتى بوران وبلىس ورتالىعىنداعى ەلەكتر جەلىلەرىنىڭ تۇراقتى جۇمىس ىستەۋىنە دە كەدەرگى كەلتىرۋدە.
قوستاناي وبلىسى