اقش-تىڭ ادىلەت مينيسترلىگى فۋتبولدان 2018 جانە 2022 جىلعى الەم چەمپيوناتىنىڭ قۇقىعىن يەلەنۋ ءۇشىن رەسەي مەن كاتار فيفا-نىڭ اتقارۋ كوميتەتىنىڭ مۇشەلەرىنە پارا بەردى دەپ مالىمدەدى.
رەسەيلىك sports.ru سايتى جاريالاعان مالىمەتكە سەنسەك, فيفا-نىڭ بۇرىنعى ۆيتسە-پرەزيدەنتى, پۋەرتو-ريكونىڭ ازاماتى دجەك ۋورنەر رەسەيگە داۋىس بەرگەنى ءۇشىن 5 ميلليون اقش دوللارى كولەمىندە پارا العان. سول سەكىلدى گۆاتەمالانىڭ وكىلىنە دە ءدال سونداي ۇسىنىس تۇسكەن.
برازيليا فۋتبول قاۋىمداستىعىنىڭ ەكس-پرەزيدەنتى ريكاردو تەيشەيرا, وڭتۇستىك امەريكا فۋتبول كونفەدەراتسياسىنىڭ باسشىسى, پاراگۆايلىق نيكولاس لەوس جانە تاعى ءبىر ەسىمى ءالى انىقتالماعان ادام 2022 جىلعى دۇنيەجۇزىلىك دوپ دوداسىن ۇيىمداستىرۋ قۇقىعىن جەڭىپ الۋعا ىقپال ەتكەنى ءۇشىن مول كولەمدە سىياقى العان كورىنەدى.