ەۋروپا عالىمدارى جاقىن ماڭدا كوروناۆيرۋس جۇقتىرعان ادامنىڭ بار-جوعىن انىقتايتىن سمارتفوندارعا ارنالعان قوسىمشا دايىنداپ جاتىر دەپ حابارلايدى egemen.kz ءتىلشىسى Business Insider-گە سىلتەمە جاساپ.
دەرەككوزدىڭ مالىمەتتتەرىنە قاراعاندا, سەگىز ەلدىڭ 130 عالىمى كوروناۆيرۋس جۇقتىرعاندارعا زەرتتەۋ جۇرگىزەتىن كورىنەدى.
دارىگەرلەر قوسىمشاعا ناۋقاستاردىڭ سانى تۋرالى مالىمەتتەردى جاريالاي الادى. سونداي-اق قوسىمشانىڭ Bluetooth ارقىلى جۇمىس ىستەيتىنى جانە كەم دەگەندە ەكى مەتر قاشىقتا كوروناۆيرۋس جۇقتىرعان ادامنىڭ بار-جوعىن ەسكەرتەتىنى ايتىلادى.عالىمداردىڭ سوزىنە قاراعاندا, بۇل قوسىمشا كوروناۆيرۋستىڭ جاپپاي تارالۋىن ازايتۋعا سەپتىگىن تيگىزەدى ەكەن.
ايتا كەتەيىك, 7 ساۋىردەن, ياعني بۇگىننەن باستاپ بۇل قوسىمشا ەۋروپادا جۇمىس ىستەي باستايدى.