جۇمىس ىستەۋ ءۇشىن قاجەتتى جابدىقتار

ەكونوميكا جانە بيۋدجەتتى جوسپارلاۋ باسقارماسىنىڭ باسشىسى ماقسات تۇرلىباەۆتىڭ مالىمدەۋىنشە, ىندەتتىڭ تارالماۋىنا وراي وڭىردە جۇرگىزىلىپ جاتقان شارالار بارىسىنا ساي وكپەنى جاساندى تىنىستاندىراتىن 20 اپپارات, اۋرۋحانا توسەكتەرى جانىنا ورناتىلاتىن ارنايى 10 مونيتور ساتىپ الۋ جوسپارلانۋدا.

– قازىرگى بۇل – كوروناۆيرۋس ينفەكتسياسى انىقتالعان جاعدايدا جۇمىس ىستەۋ ءۇشىن ەڭ قاجەتتى جابدىقتار, – دەدى ءماسليحات سەسسياسىنا قاتىسقان وبلىسى اكىمى ابىلقايىر سقاقوۆ. – بۇگىندە وڭىردە وكپەنى جاساندى تىنىستاندىراتىن 128 قۇرىلعى بار, ال قوسىمشا 56 اپپارات قاجەت. سوندىقتان تاعى دا 20 جاساندى جەلدەتۋ اپپاراتىن الۋعا قارجى بولدىك. تاعى 8 اپپارات جالپى سيپاتتاعى ترانسفەرتتەر ەسەبىنەن ساتىپ الىنادى.

بۇعان دەيىن ءوڭىردىڭ بارلىق مەديتسينالىق مەكەمەلەرىندەگى قۇرىلعى, قۇرال-جابدىقتارعا تەكسەرىس جۇرگىزىلگەن. ەسكىرگەن جانە تەحنيكالىق اقاۋلى جاب­دىقتار تولىققاندى دياگنوس­تيكا مەن ەمدەۋ ءۇشىن قاجەتتى باس­قا دا قۇرالداردىڭ جاڭاسىنا اۋىستىرىلماق بولعان-دى.

ال قازىر وڭىردە ىندەتتىڭ الدىن الۋ جانە بولدىرماۋ باعى­تىنداعى شارالار جالعاسۋدا. مەكەمەلەر سانيتارلىق تالاپتاردى كۇشەيتۋدە. قىزمەتكەرلەر جۇمىس كەزىندە ءبىر رەتتىك مە­ديتسينالىق بەتپەردە قولدانۋدا.

وسى كۇندەرى وبلىستا 634 ادام مەديتسينا قىزمەتكەرلەرىنىڭ باقىلاۋىنا الىنعان. وسى ادامدار اراسىنداعى 77 ادام ستاتسيو­ناردا دارىگەرلەر قاراۋىنا, 557 ادام ءۇي كارانتينىندە. ىن­دەتتىڭ الدىن الۋ جانە بولدىر­ماۋ باعىتىنداعى شارالار جال­عا­سۋدا. سونىمەن قاتار 38 ادام دارىگەرلەردىڭ قوڭىراۋ شالۋلارى ارقىلى باقىلانۋدا. كو­روناۆيرۋس ينفەكتسياسى جاع­دايى­نا ارنالعان 845 توسەكتىك ورىن دايىن. وڭىردە ازىرگە كورونا­ۆيرۋستى جۇقتىرعان 1 ادام تىر­كەل­گەن. بۇل اداممەن باي­لانىس­تا بولعانداردىڭ بارلىعى مەدي­تسي­نالىق تەكسەرۋلەردەن وتكىزىلدى.

پاۆلودار وبلىسى