1991 جىلى تۋعان ازاماتشا 21 ناۋرىز كۇنى شارمان-شەيح – الماتى اۋە رەيسىمەن ۇشىپ كەلگەن. بۇل تۋرالى «حابار 24» تەلەارناسى ارقىلى وبلىس اكىمىنىڭ ورىنباسارى مارات جۇندىباەۆ ايتتى.
- الماتى قالاسىندا ول جانە جانىنداعى 4 ازامات مەديتسينالىق تەكسەرۋدەن وتكەن. بىراق تالداۋ قورىتىندىسى تەرىس ناتيجە كورسەتكەن. ولار جامبىل وبلىسىنداعى وتار ستانساسىنان پويىزعا وتىرىپ, قوستانايعا باعىت العان. الماتى قالاسى ماماندارىنان اقپارات تۇسكەن سوڭ, قوستاناي وبلىسىنىڭ جاۋاپتى ورگاندارى ارنايى شارا قابىلدادى. اتالعان ازاماتتار مەن ولارمەن بايلانىستا بولعان بارلىق جولاۋشىلار, پويىز جولسەرىكتەرى - بارلىعى 12 ادام وقشاۋلاندى. پروۆيزورلىق گوسپيتالداعى تالداۋ تەرىس ناتيجە كورسەتتى. ون ەكىنشى كۇنى قايتادان الىنعان تالداۋ ناتيجەسىندە اتالعان ازاماتشانىڭ كوروناۆيرۋس جۇقتىرعانى انىقتالدى. قازىر ەپيدەمياعا قارسى ءتيىستى شارالار قابىلدانىپ جاتىر, - دەدى مارات جۇندىباەۆ.
قوستاناي وبلىسى