قاۋىپسىزدىك كەڭەسىنىڭ توراعاسى وبلىستاردىڭ جانە نۇر-سۇلتان, الماتى, شىمكەنت قالالارىنىڭ اكىمدەرىمەن تەلەفون ارقىلى سويلەستى. بۇل تۋرالى تۇڭعىش پرەزيدەنتتىڭ ءباسپاسوز قىزمەتى حابارلادى.
اڭگىمە بارىسىندا وڭىرلەردەگى احۋال جانە ازاماتتاردىڭ قاۋىپسىزدىگىن قامتاماسىز ەتۋ بويىنشا جەرگىلىكتى بيلىكتىڭ دايىندىعى تالقىلاندى.
ءبىرىنشى كەزەكتە ەلباسىنا وڭىرلەردەگى سانيتارلىق-ەپيدەميولوگيالىق احۋال, كوروناۆيرۋس ينفەكتسياسىنىڭ تارالۋىنا جول بەرمەۋ باعىتىندا قابىلدانىپ جاتقان شارالار مەن ەلدى مەكەندەردەگى مەديتسينا نىساندارىنىڭ ۇزدىكسىز جۇمىسىن قامتاماسىز ەتۋ جونىندە مالىمەت ۇسىنىلدى.
نۇرسۇلتان نازارباەۆقا كوروناۆيرۋستىڭ تارالۋىنا بايلانىستى قيىن جاعدايعا تاپ بولعان ادامدارعا «Nur Otan» پارتياسىنىڭ وڭىرلىك فيليالدارى تاراپىنان كورسەتىلىپ جاتقان قولداۋ تۋرالى باياندالدى. اكىمدەر توتەنشە جاعداي كەزىندە ادامدار مەن بيزنەستى قولداۋعا باعىتتالعان شارالاردى ودان ءارى جۇزەگە اسىرۋعا دايىن ەكەندەرىن ايتتى.
قاۋىپسىزدىك كەڭەسىنىڭ توراعاسى توتەنشە جاعداي كەزىندەگى ازىق-ت ۇلىك قاۋىپسىزدىگى ماسەلەلەرىنە ەرەكشە نازار اۋداردى.
اكىمدەر ەلىمىزدىڭ وڭتۇستىك وڭىرلەرىندەگى كوكتەمگى ەگىس ناۋقانى بارىسى مەن سولتۇستىك ايماقتارداعى ەگىن ەگۋ جۇمىستارىنا دايىندىق تۋرالى اقپارات بەرىپ, جەكەلەگەن وبلىستاردا سۋ تاسقىنىنىڭ الدىن الۋ جانە ونىڭ سالدارىن جويۋ جوسپارلارى جونىندە باياندادى.
ەلباسى اكىمدەرگە توتەنشە جاعداي كەزىندە قاۋىپسىزدىكتى قامتاماسىز ەتۋ جانە كورسەتىلىپ جاتقان كومەكتى ءاربىر مۇقتاج ادامعا جەتكىزۋ بويىنشا ءتيىمدى جۇمىس اتقارۋعا تىلەكتەستىك ءبىلدىردى.