قازاقستاندا كارانتيندىك ستاتسيونارلارداعى 28 مەديتسينا قىزمەتكەرى كوروناۆيرۋستىق ينفەكتسيا جۇقتىردى. بۇل تۋرالى دەنساۋلىق ساقتاۋ ءمينيسترى ەلجان ءبىرتانوۆ مالىمدەدى.
«ەلىمىزدە كوروناۆيرۋس جۇقتىرعان 28 مەديتسينا قىزمەتكەرى انىقتالدى. قازىر ءار جاعداي بويىنشا ەپيدەميولوگيالىق تەكسەرۋ جۇرگىزىلىپ, ونىڭ سەبەپتەرى انىقتالۋدا», دەدى ەلجان ءبىرتانوۆ.
ءمينيستردىڭ ايتۋىنشا جۇمىستا بولماعان دارىگەرلەر دە ۆيرۋس جۇقتىرعان. ولار جەكە توپقا ءبولىنىپ, ءتيىستى ەم قابىلداۋدا.
«ۆيرۋس تابىلعان جۇمىس ورىندارىندا سانيتارلىق-ەپيدەميولوگيالىق تەكسەرۋ جۇرگىزىلەدى. مەديتسينالىق نەمەسە باسقا دا ەڭبەك ۇجىمدارى كارانتينگە جىبەرىلەدى. ارينە, ناۋقاستار ەمدەلىپ جاتقان عيماراتتاردا قاۋىپ باسىم. سوندىقتان ونداعى مەديتسينالىق قىزمەتكەرلەرگە ەرەكشە كوڭىل بولەمىز», دەدى ە. ءبىرتانوۆ.