ارحيمەد مۇحامبەتوۆ اقمولا وبلىسى جاقتان قاراسۋ اۋدانىنا كەلىپ كىرەتىن كۇرە جولعا قويىلعان №11 توسقاۋىل بەكەتىنە باردى. جول ساقشىلارىمەن كەزدەسىپ, ولاردىڭ جۇمىس تارتىبىمەن تانىسقان وبلىس اكىمى سانيتارلىق-ەپيدەميالىق شارالاردى قامتاماسىز ەتۋگە جاۋاپتى ورگانداردىڭ دايىندىعىنا وڭ باعا بەردى.
قازىر №11 توسقاۋىل بەكەتى ەكى اۋىسىمدا جۇمىس ىستەپ جاتىر. ءبىر اۋىسىمدا 8 ادام كەزەكشىلىك ەتەدى: التاۋى پوليتسەي, ەكەۋى دارىگەر. 12 ساعاتتان سوڭ ولاردىڭ ورنىنا كەلەسى اۋىسىم كەلەدى. كەزەكشىلىكتەن شىققاندار سول بەكەت باسىنداعى جاتىن ورىندا ۇيىقتاپ تىنىعادى. مۇندا قاجەتتى جاعدايدىڭ ءبارى جاسالىپ قويعان.
بەكەت پوليتسەيلەرى وبلىس اۋماعىنا كىرگەن اۆتوكولىكتەردى تىركەيدى, ال سانيتارلار جولاۋشىلاردىڭ قىزۋىن ولشەپ, مالىمەتتەردى قاتتاپ وتىرادى.
قازىر ايماقتا 10 توسقاۋىل بەكەتى جۇمىس ىستەپ جاتىر. ولار وبلىس اۋماعىندا جۇك تاسىمالدايتىن كولىكتەردى تولىقتاي باقىلاۋعا العان. جۇك كولىگىنىڭ بەكەتتەن قاشان وتكەنى, نەشەدە كەرى قايتقانى مينۋتىنا دەيىن ەسەپتەلىپ, قاعازعا ءتۇسىپ جاتىر.
ەلدى مەكەندەرگە قاتىنايتىن كولىكتەرگە كەدەرگى جوق. تەك اۆتوبۋس پەن شاعىن اۆتوبۋستاردىڭ جۇرۋىنە رۇقسات جوق.
قوستاناي وبلىسى