بۇگىن قىزىلوردادا ۆيرۋس جۇقتىرعانداردىڭ قاتارىنا تاعى ءبىر تۇرعىن قوسىلىپ, ولاردىڭ سانى 26-عا جەتكەنىن حابارلاعان بولاتىنبىز. وبلىستىق دەنساۋلىق ساقتاۋ باسقارماسىنىڭ باسشىسى جاقسىلىق ابدىسامەتوۆتىڭ ايتۋىنشا جاڭادان تىركەلگەن ناۋقاس شيەلى اۋدانىنىڭ تۇرعىنى.
- ەمگە جاتقىزىلعانداردىڭ جاعدايى تۇراقتى باقىلانۋدا. جاعدايلارى قاناعاتتانارلىق دەپ باعالاۋعا بولادى. وسى كۇنى وبلىستا ناۋقاستارمەن قارىم-قاتىناستا بولعان 643 ادام انىقتالىپ تۇر. ولاردىڭ 21-ءى كارانتيندە, ال 412-ءسى ءۇي جاعدايىندا باقىلاۋعا الىنعان. سىرت مەملەكەتتەردەن كەلگەندەر دە ۇدايى تەكسەرىلۋدە, – دەيدى وبلىستىڭ باس دارىگەرى.