قىزىلوردا وبلىسىنىڭ اكىمى گۇلشارا ابدىقالىقوۆا رەسپۋبليكالىق «24 كز» تەلەارناسى ەفيرىنەن وڭىردە كوروناۆيرۋستىق ينفەكتسيانىڭ تارالۋىن بولدىرماۋ باعىتىندا اتقارىلىپ جاتقان شارالار جايلى باياندادى.
- ءدال قازىر وبلىستا ىندەتكە شالدىققاندار قاتارى 26-عا جەتىپ وتىر. ولاردىڭ التاۋى قىزىلوردا قالاسىنان, 16-سى جاڭاقورعان اۋدانىنان جانە قارماقشى مەن شيەلى اۋداندارىنىڭ ارقايسىسىندا ەكى ادامنان انىقتالىپ وتىر. ىندەت ودان ءارى ءورشىپ كەتپەۋى ءۇشىن قىزىلوردا قالاسى مەن جاڭاقورعان اۋدانى كارانتينگە جابىلدى, – دەدى وبلىس اكىمى.
قىزىلوردا قالاسىنا كىرەبەرىس جولدارعا 4 توسقاۋىل بەكەتى قويىلدى. جاڭاقورعان كەنتىندە دە وسىنداي بەكەتتەر جۇمىس ىستەيدى.
كەسەلدىڭ الدىن الۋ جانە جويۋ شارالارى ءۇشىن وبلىستىق دەنساۋلىق ساقتاۋ باسقارماسىنا 104 ملن تەڭگە ءبولىندى. وسى باعىتتاعى شارالارعا توتەنشە جاعداي قورىنان تاعى 672 ملن تەڭگە قارالىپ وتىر.
گۇلشارا ناۋشاقىزى تىكەلەي ەفيردە تۇرعىندارمەن كەرى بايلانىستىڭ دا جولعا قويىلعانىن اتاپ ءوتتى.