قوستانايلىق پوليتسەيلەر وبلىس ورتالىعىنداعى كوشەلەرگە ىندەتكە قارسى سۇيىق ءدارى شاشا باستادى. پوليتسيانىڭ «ارس -14» ارنايى تەحنيكاسى كەشە كەشكىلىك تاۋەلسىزدىك, اباي, بايتۇرسىنوۆ, گوگول كوشەلەرى مەن تروتۋارلارعا حيميالىق ەرىتىندى بۇركىپ شىقتى. جول ساقشىلارىنىڭ ءاۆتوپاترۋلى داۋىس ۇلعايتقىش ارقىلى تۇرعىندارعا زالالسىزداندىرۋ ءجۇرىپ جاتقانى تۋرالى ەسكەرتىپ, ساقتاندىرىپ وتىردى.
- ءبىز ازاماتتارعا قاجەت قاۋىپسىزدىك شارالارىنىڭ جۇزەگە اسۋىنا كومەكتەسىپ جاتىرمىز. تۇرعىنداردى توتەنشە جاعدايدا جۇرگىزىلىپ جاتقان شارالارعا تۇسىنىستىكپەن قاراپ, قاۋىپسىزدىك تالاپتارىن ساقتاۋعا شاقىرامىن. 2 ساۋىردەن باستاپ قوعامدىق كولىكتەر مەن تاكسي جۇرگىزۋشىلەرى, بارلىق جولاۋشىلار مىندەتتى تۇردە پەتپەردە تاعىپ, قولعاپ كيىپ ءجۇرۋى ءتيىس. تاكسيگە ەكى جولاۋشىدان ارتىق وتىرۋعا بولمايدى, - دەدى وبلىستىق پد باستىعىنىڭ ءبىرىنشى ورىنباسارى نىعمەت يسماعۇلوۆ.
قوستاناي