بۇل تۋرالى اقپاراتتىق-كوممۋنيكاتسيا ورتالىعىندا وتكەن بريفينگتە شىمكەنت قالاسى اكىمىنىڭ ءبىرىنشى ورىنباسارى ەربول سادىر ايتتى.
«شىمكەنت قالاسىندا كورونوۆيرۋس ينفەكتسياسىنىڭ تارالۋىنىڭ الدىن الۋ ماقساتىندا ساقتىق شارالارى كۇشەيتىلۋدە. وسىعان وراي قالادا بلوگ-بەكەتتەردىڭ سانى ارتىپ, 17-گە جەتىپ وتىر. سونداي-اق قالا اۋماعىندا بەتپەردەلىك رەجيم ەنگىزىلدى. بۇدان بىلاي بارلىق ازاماتتار قالادا مەديتسينالىق بەتپەردە تاعىپ جۇرۋگە مىندەتتى. بۇل شەكتەۋلەردى ەسكەرمەگەن, توتەنشە جاعداي رەجيمى مەن سانيتارلىق تالاپتاردى قاساقانا بۇزعان ازاماتتارعا قولدانىستاعى زاڭناماعا سايكەس اكىمشىلىك حاتتاما تولتىرىلىپ, ايىپپۇل سالىنادى» دەدى ەربول ابىلقايىر ۇلى.
ونىڭ ايتۋىنشا, قر اكىمشىلىك قۇقىق بۇزۋشىلىق تۋرالى كودەكسىنىڭ 476-بابىنا سايكەس, توتەنشە جاعداي رەجيمىن بۇزعان ازاماتتارعا 10 اەك كولەمىندە ايىپپۇل سالىنادى. ەگەر بۇل قۇقىقبۇزۋشىلىق تاعى دا قايتالانسا, سوت شەشىمىمەن 10 تاۋلىككە دەيىن قاماۋعا الىنۋى مۇمكىن.
ەسكە سالا كەتسەك, شىمكەنت قالاسىندا كوروناۆيرۋس ينفەكتسياسىنىڭ تارالۋىنا جول بەرمەۋ ماقساتىندا 31 ناۋرىز كۇنى ساعات 21.00-دەن باستاپ قوسىمشا شەكتەۋ شارالارى ەنگىزىلەدى. اتاپ ايتساق, قالاعا كىرەتىن بارلىق جولدار جابىلادى. اۆتوكولىكتەردىڭ قالاعا كىرۋى مەن شىعۋىنا تىيىم سالىنادى. تەك ءترانزيتتى جۇك كولىكتەرى مەن تىرشىلىكتى قامتاماسىز ەتەتىن ارنايى اۆتوكولىكتەرگە رۇقسات بەرىلەدى.
شىمكەنت