بۇل تۋرالى مەملەكەتتىك كوميسسيانىڭ شۇعىل شتابى تەلەگرام پاراقشاسىندا حابارلادى.
ەۋرازيالىق ەكونوميكالىق كوميسسيا پاندەميا كەزىندە بىرقاتار ونىمدەردى ەكسپورتتاۋعا تىيىم سالۋدا. جاقىندا ماسكەۋدە وتكەن ەەك القا وتىرىسىنىڭ قورىتىندىسى بويىنشا ازىق-ت ۇلىك تاۋارلارىنىڭ جەكەلەگەن تۇرلەرىن ەاەو ەلدەرىنەن شىعارۋعا ۋاقىتشا تىيىم سالۋعا باعىتتالعان شارالاردىڭ «ەكىنشى توپتاماسىن» ەنگىزۋ تۋرالى شەشىم قابىلداندى. تاۋارلار تىزىمىندە — پياز, سارىمساق, شالقان, قارا بيداي, كۇرىش, قاراقۇمىق, تارى, جارما, ءىرى تارتىلعان ۇن, قاراقۇمىقتان جاسالعان دايىن تاماق ونىمدەرى, ۇساقتالعان جانە ۇساتىلماعان سويا بۇرشاقتارى مەن كۇنباعىس ءدانى بار. ولاردى 30 ماۋسىمعا دەيىن شىعارۋعا تىيىم سالىنادى. تىيىم سالۋ ەلدەردىڭ حالقىن ازىق-ت ۇلىكتىڭ جەتكىلىكتى قورىمەن قامتاماسىز ەتۋگە مۇمكىندىك بەرەدى. ەاەو-عا قازاقستان, رەسەي, بەلارۋس, ارمەنيا جانە قىرعىزستان كىرەدى.