اتىراۋ وبلىسىنداعى 9 ءبىلىم وشاعى ءبىلىم كۇنىنە دايىن ەمەس. وبلىستىق توتەنشە جاعدايلار دەپارتامەنتى وسى ورىنداردان انىقتالعان كەمشىلىكتەردى قاراۋ جونىندە ءىستى سوتقا جولداعان. بۇل تۋرالى «استانا» تەلەارناسى حابارلادى.
9 ءبىلىم وشاعىندا ءورت دابىل قاققىشى جانە اۆتوماتتاندىرىلعان جۇيە ورناتىلماعان ءارى ورتتەن قورعايتىن قۇرالدار جوق. الايدا, كۇنى بۇگىنگە دەيىن وسى ولقىلىقتىڭ قالىپقا كەلتىرىلگەنى جونىندە وبلىستىق توتەنشە جاعدايلار دەپارتامەنتىنە اقپارات كەلىپ تۇسپەگەن.جوعارىدا اتالىپ وتكەن دەپارتامەنتتىڭ باسقارما باستىعى نۇرلان نۇعىمانوۆتىڭ ايتۋىنشا, قازىرگى كەزدە سوتقا تالاپ ارىز جىبەرىلگەن 9 مەكتەپ تە جابىق ەكەن. دانيار تۇيمەباي.