بۇل تۋرالى اقپاراتتىق-كوممۋنيكاتسيالىق ورتالىقتا وتكەن بريفينگتە شىمكەنت قالاسى اكىمىنىڭ ورىنباسارى ماقسۇت يساحوۆ پەن جۇمىسپەن قامتۋ جانە الەۋمەتتىك قورعاۋ باسقارماسى باسشىسىنىڭ مىندەتىن اتقارۋشى جانات وتەباەۆا ايتتى.
قالا اكىمىنىڭ ورىنباسارى قر ەڭبەك جانە حالىقتى الەۋمەتتىك قورعاۋ ءمينيسترىنىڭ «توتەنشە جاعداي كەزەڭىندە مىندەتتى الەۋمەتتىك ساقتاندىرۋ جۇيەسىنە قاتىسۋشىلارعا الەۋمەتتىك تولەمدەردى جۇزەگە اسىرۋ قاعيدالارىن بەكىتۋ تۋرالى» مينيسترلىكتىڭ 2020 جىلعى 26 ناۋرىزداعى №11 بۇيرىعىنا ەنگىزىلگەن وزگەرىستەر مەن تولىقتىرۋلار تۋرالى ءتۇسىندىرىپ, وسىنداي قولداۋ شارالارىمەن ەل اۋماعىندا شامامەن 1,5 ملن. ازامات قامتىلاتىنىن مالىمدەدى.
تابىسىنان ايىرىلعان ازاماتتارعا 42 500 تەڭگە كولەمىندەگى الەۋمەتتىك تولەم الۋعا ءوتىنىم بەرۋ جۇيەسى جەڭىلدەگەنىن ايتقان جانات ومىرسەرىكقىزى جاڭا وزگەرىستەر بويىنشا سوڭعى ءبىر جىلدا بىرىڭعاي جيىنتىق تولەمىن اۋدارعان كەز كەلگەن ازامات جوعارىدا اتالعان تولەمدى الۋ ءۇشىن ءوتىنىم بەرە الاتىنىن ايتتى.
ايتا كەتەيىك, الەۋمەتتىك تولەم الۋ ءۇشىن قالاداعى 21 ۇيىمدا جۇمىس ىستەگەن 80 ازامات «egov.kz» پورتالى ارقىلى ءوتىنىم بەرگەن.
تولەم الۋعا ءوتىنىم بەرۋ بويىنشا 1414 جانە 39-50-55 بايلانىس نومىرلەرى ارقىلى ازاماتتارعا كەڭەس بەرىلۋدە.
شىمكەنت