وبلىس پروكۋراتۋراسىندا توتەنشە جاعداي تالاپتارىنىڭ ورىندالۋىن قامتاماسىز ەتۋ ءۇشىن ءموبيلدى توپ قۇرىلدى. بۇل توپتىڭ جۇمىسىنىڭ ناتيجەسىندە رەجيمدى بۇزعانى ءۇشىن 38 تۇلعا جاۋاپتىلىققا تارتىلدى.
– سونىڭ ىشىندە 5 كاسىپكەر اكىمشىلىك قاماۋعا الىندى. ولار – «حانشايىم», ء«نارلى» مەيرامحانالارىنىڭ, «امانجان» كافەسىنىڭ, «فينبەت» بۋكمەكەرلىك كەڭسەسىنىڭ يەلەرى مەن «ياماتو» سۋشي-بارىنىڭ اكىمشىسى, - دەپ حابارلادى وبلىستىق پروكۋراتۋرانىڭ ءباسپاسوز قىزمەتى.
سونىمەن بىرگە, وڭىردە الەۋمەتتىك جەلىلەردە كورىنەۋ جالعان اقپاراتتار (تۇرعىنداردىڭ كوروناۆيرۋسپەن اۋىراتىنى تۋرالى) تاراتۋ (قىلمىستىق كودەكستىڭ 274-بابى), جەكە جانە وتباسىلىق قۇپيانى قۇرايتىن مالىمەتتەردى (كوروناۆيرۋسقا ۇشىراعان 3 تۇلعانىڭ اتى-جوندەرى) تاراتۋ (قىلمىستىق كودەكستىڭ 147-بابى) فاكتىلەرى كەزدەسكەن. وسىعان وراي, سوتقا دەيىنگى تەرگەپ-تەكسەرۋ جۇرگىزىلىپ جاتىر.
جۇماسات عازيز