بۇگىن قىزىلوردادا بويىنان ۆيرۋس بەلگىلەرى بايقالعان تاعى 4 ادام انىقتالدى. ولاردىڭ بارلىعى وسىعان دەيىن تىركەلگەن ناۋقاستارمەن قارىم-قاتىناستا بولعاندار.
– زەرتحانالىق سىناما قورىتىندىسى وسى 4 تۇرعىننىڭ بويىندا ۆيرۋس بەلگىلەرىنىڭ بار ەكەندىگىن كورسەتتى. قازىر ولارعا ءتيىستى ەم جاسالىپ جاتىر. سونىمەن قاتار, بۇلارمەن قارىم-قاتىناستا بولعاندار سانى ناقتىلانۋدا. بىزدە قازىر ناۋقاستاردىڭ سانى توعىزعا جەتتى. ولاردىڭ بارلىعىنىڭ ەم الۋى, جاعدايى تولىق باقىلاۋدا, – دەدى وبلىستىق دەنساۋلىق ساقتاۋ باسقارماسىنىڭ باسشىسى جاقسىلىق ابدىسامەتوۆ.