بۇل تۋرالى قوستاناي وبلىسىنىڭ اكىمى ارحيمەد مۇحامبەتوۆ كوروناۆيرۋستىق ينفەكتسيانىڭ پايدا بولۋى مەن تارالۋىنا جول بەرمەۋ جونىندەگى شتاب وتىرىسىندا ايتتى.
- ايماقتا مەديتسينالىق ماسكالار بۇرىن-سوڭدى ارنايى وندىرىلمەگەندىكتەن, ءبىز بۇل جۇمىستى تىگىن وندىرىسىمەن اينالىساتىن جەڭىل ونەركاسىپ كاسىپورىندارىندا ۇيىمداستىردىق. بۇگىنگى كۇنگە دەيىن وبلىس بويىنشا 70 كاسىپورىن ماسكا تىگىپ جاتىر. الداعى كۇندەرى بۇعان تاعى 20 كاسىپورىن جۇمىلدىرىلادى, - دەدى وبلىس اكىمى.
17-29 ناۋرىز ارالىعىندا وبلىس بويىنشا 238 مىڭ قورعانىش ماسكالارى تىگىلگەن. ا.مۇحامبەتوۆ وبلىستىڭ دارىحانالىق جەلى يەلەرىنە قورعانىس ماسكالارىن جەرگىلىكتى وندىرۋشىلەردەن ساتىپ الۋدى ۇسىندى. سونداي-اق ءتيىستى ورگاندارعا ماسكالاردى كوتەرمە باعامەن الىپ, قىمباتقا قايتا ساۋدالايتىن الىپ-ساتارلىققا جول بەرمەۋدى, وبلىس اكىمى قالا جانە اۋدان اكىمدەرىنە وزدەرىنە قاراستى اۋماقتاعى تىگىن تسەحتارىنىڭ ءوندىرىس كولەمىن ارتتىرۋدى, ولاردىڭ ۇزدىكسىز جۇمىسىن ۇيىمداستىرۋدى قاداپ تاپسىردى.
قوستاناي وبلىسى